Одоогоос зургаан сарын өмнө Ерөнхий сайд асан Н.Алтанхуяг экс Ерөнхийлөгч асан Ц.Элбэгдоржийг шүүхэд өгсөн талаараа өөрийн твиттер хуудаснаа жиргэсэн байдаг. Тодруулбал, "Шинэчлэлийн Засгийн газраа огцруулаад өгөөч гэж өргөдөл өгсөн мэтээр намайг гүтгэсэн Ц.Элбэгдоржийг шүүхэд өглөө. Түүний мэддэг тооны нэгж нь тэрбум учраас 1 тэрбум төгрөг нэхэмжиллээ. Энэ мөнгийг түүний бий болгосон шударга бусын хонгилыг нураахад бүрэн зарцуулна" гэж жиргэсэн байдаг юм. Тэгвэл тэрээр нэг тэрбум төгрөг нэхэмжилсэн ч нэг сая төгрөг авахаар болжээ. Учир нь, дөнгөж сая Ерөнхий сайд асан Н.Алтанхуяг өөрийн цахим хуудаснаа “Ц.Элбэгдорж намайг гүтгэснийг шүүх тогтоолоо.
"Н.Алтанхуяг өөрөө өөрийнхөө Засгийн газрыг огцруулах санал гаргаж өгөөч гэж өргөдөл барьж орж ирсэн" гэж улайм цайм гүтгэж байгаа юм даа. Ийм л худалч хүн дээ” хэмээн бичлээ.