УИХ-ын гишүүн, ХЗДХ-ийн сайд Ц.Нямдоржоос цаг үеийн асуудлаар зарим зүйлийг тодрууллаа.

-Монгол Улс саарал жагсаалтад орлоо. Үүнээс гарахын тулд ямар арга хэмжээ авч байна вэ?
-ФАТФ-ын Ази, номхон далайн салбараас энэ аравдугаар сард захидал ирүүлсэн. Захидалд танай улсыг эрчимжсэн зэрэглэлээс энгийн зэрэглэлд шилжүүллээ. Зэрэглэлийг нь бууруулж байгаа юм чинь гайгүй байлгүй дээ гэж бодож байтал Парист жагсаалтад оруулсан. Гэхдээ хязгаарлалтын ямар нэгэн арга хэмжээ аваагүй. ХЗДХЯ-ны ТНБД-аах ахлуулсан ажлын хэсэг ажилласан. Өнгөрсөн жил явуулсан, ороогүй. ХЗДХЯ-тай холбоотой хоёр асуудал байгаа юм. Хүн хэрэгт хийхгүй байх гэсэн. Тэр манай асуудал биш шүү дээ. АТГ нь шалгаад, прокурор нь хянаад, шүүх нь шийдвэл хөрөнгийг нь хураах хуультай. Засгийн газар үүнд оролцдоггүй
-Үндсэн хуулийн Цэцийн дарга Д.Одбаярын асуудлаар хуулийн байгууллага, Солонгосын хуулийн байгууллагатай хамтарч ажиллаж байгаа юу?
-Тэр хүний асуудал ойр тойрны хүнд нь маш хүнд байна. Тэр улс өөрсдийн хуулиараа шийднэ. Элчин сайдын яамныхан нь ажиллаж байгаа байх. Ямар асуудал болох юм байгаа юм, харж л байя. Монгол хүн, хүнлэг талаас нь хармаар байна. Солонгосын хууль бол Солонгосын нутаг дэвсгэр гэж үздэг учраас тухайн улс нь л шийднэ. Д.Одбаяр өмгөөлөгч аваад, байцаалтаа өгөөд явж байгаа юм билээ.
-Монголын нэр хүнд унагасан үйлдэл болоод байна шүү дээ?
-Айлын тал асуудлаа шийднэ. Биднээс асуухгүйгээр шийднэ. Ямар ч тохиолдолд Элчин сайдын яам энэ асуудалд анхаарлаа хандуулна. Буруутай, буруугүй эсэх нь хоёрдугаар асуудал. Гол нь Монгол Улсын иргэнийхээ төлөө Элчин сайдын яам ажиллах ёстой. Ажиллаж л байгаа. Энэ асуудлыг жаахан дэвэргэлгүй шийдвэр гарах хүртэл хүлээцтэй хандаж, Монгол хүн гэдэг талаас нь хараасай гэж бодож байна.