Нийслэлийн мэргэжлийн хяналтын газрын дарга Л.Эрдэнэчулууны талаар сүүлийн үед хэвлэлүүд сайн муугаар олонтоо бичих болсон. Түүний албан тушаалд атаархсан зарим нэг нь төлбөртэй ярилцлага, сурвалжилга нийтлүүлж байна гэх хардлага ч бий. Тэгвэл дээрх хардлагын эзэн нь өнгөрөгч дөрөвдүгээр сард хүчингийн хэрэгт холбогдсон гэх Сүхбаатар дүүргийн мэргэжлийн хяналтын хэлтсийн дарга М.Баасандорж байх магадлалтай байна. Учир нь М.Баасандорж 2015 онд Нийслэлийн мэргэжлийн хяналтын газрын дэд даргын албан тушаалаасаа халагдсан бөгөөд үүндээ шаралхаж НМХГ-ын дарга Л.Эрдэнэчулууны талаар ийнхүү гомдол нэхэж явдаг бололтой. Түүний талаар мэргэжлийн хяналтын байгууллагын ажилтнууд “Доод албан тушаалтнуудаа өдөж хоргоож, дарамталж явдаг хүн” гэлцдэг юм билээ. Олны үг ортой гэдэггүй бил үү. Гэтэл М.Баасандорж өнөөдөр өөрийн нэр төрөө сэргээлгэнэ гэж хэвлэлийн хурал зарлаж, удаа дараа Л.Эрдэнэчулууны талаар сөрөг мэдээлэл тараасаар явна. Энэ бол монгол эр хүний жудагт нийцэх үйлдэл биш юм. Түүний дэлгэсэн Сүхбаатар дүүргийн прокурорын тогтоол дээр М.Баасандоржийн овгийг “Б” гэж тавьсан байлаа. Тэртээ тэргүй, олон нийт хууль шүүхийн байгууллагад итгэхээ больчхоод байхад овгийн эхний үсгийг нь буруу бичсэн, хүний нэрийг нууцалсан, хагас дутуу тогтоол үзүүлээд өөрийгөө өмгөөлж яваа нь олон нийтийн дургүйцлийг төрүүлсээр байгаа юм.

Мөн тэрбээр хүчингийн хэргийн талаар хэвлэлд ярихдаа, “… бие засах газар ороход эрэгтэй, эмэгтэй 00 нэг дороо байж таарсан. Манай хэлтсийн гурван байцаагч эмэгтэй тэнд байсан. Би гараа угаах гэж байхдаа “За, дүү улсын байцаагч боллоо. Сайн ажиллаарай” гээд баруун мөрөнд нь хүртэл гэнэт цочиж, эргэж хараад миний уруул руу хүчтэй цохисон. Үүнээс болоод цус гарсан. Би тэр байцаагч эмэгтэйн гараас барьж аваад нэлээд хүчтэй сэгсэрчихсэн юм билээ. Ийм л зүйл болсон” гэжээ.

Түүний ярьсан шиг “эрэгтэй эмэгтэй 00 нэг дор байдаг” цэнгээний газар манайд хэчнээн байдгийг хэлж мэдэхгүй юм. Тийм газар байжээ гэж тооцоход нэлээд зэрэглэл доогуур газар байх нь дамжиггүй. Тэгэхээр мэргэжлийн хяналтын байцаагч нар тиймэрхүү газраар ордог гэж ярьсан нь итгэл үнэмшил муутай сонсогдож байгааг энд онцлох хэрэгтэй болов уу. Энэ мэтээр хормой хотны асуудлаа хэвлэлээр ярьж, өөрийгөө өмгөөлж яваа нь М.Баасандоржийг ямар өчүүхэн хүн болохыг бэлээхэн харуулж байна.
Үүнээс гадна тэрбээр “БНСУ-аас хугацаа нь дууссан хүнсний бүтээгдэхүүн оруулж ирэн, хадгалах хугацааных нь бичгийг өөрчилж борлуулдаг байсан БНСУ-ын иргэн Пак Дун Воноос хахууль авсан” гэж АТГ-т шалгагдаж байжээ. Түүнийг энэ мэт асуудлаар хэд хэдэн удаа тушаал буурч байсан. Мөн байгууллага аж ахуйн нэгжүүдээс шалгалт хийх нэрийдлээр шахалтад оруулж, мөнгө нэхэж авдаг хогийн “гар” гэж зарим эх сурвалж онцолж байсан юм.