Ардчилсан нам 2020 оны сонгуулийн мөрийн хөтөлбөртөө маш олон шинэ санаачлагуудыг оруулж ирсэн гэж мэдэгдээд буй. Түүний нэг нь хөгжлийн бэрхшээлтэй иргэдийн асуудалд анхаарах бодлого юм. Энэ хүрээнд жүжигчин Ж.Баясгалангийн АН-д гишүүнээр элсэх хүсэлтийг хүлээн авч тэрээр Ардчилсан намын гишүүн болсон билээ. Тэгвэл өнөөдөр СТА жүжигчин Ж.Баясгаланд АН-ын Үндэсний бодлогын хорооны гишүүний үнэмлэхийг нь тус намын дарга С.Эрдэнэ гардууллан өглөө. 

Ж.Баясгалан “Би өөрийнхөө итгэл үнэмшлээр энэ намд орж ирсэн. Хэлэх үг хийх ажлаараа түүчээ болж явахыг хичээх болно. Залуучуудын дуу хоолойг хүргэхийн хичээн. Үзэл бодлоо хэрэгжүүлэх нь маш чухал. Гаднаас нь ямар нэгэн хэлбэрээр хэрэгжүүлэх гэж хичээсэн" гэж хэлсэн бөгөөд боломж олдвол УИХ-д нэр дэвшинэ гэдгээ мэдэгдлээ.