ЖДҮ-чдийн сэтгэлээр бас, тэдний хөрөнгө дээр босч ирсэн Ерөнхий сайд У.Хүрэлсүх хамгийн гоё мэдэгдэл хийсэн. Тэрбээр ЖДҮ-чдийг УИХ-ын сонгуульд нэр дэвшүүлэхгүй гэж зоригтой зарласан. Энэ нь мэдээж. Яах аргагүй МАН-ынхан нэр хүндээ туйлдаа хүртэл алдсан учраас. Иймд нэр хүндээ өргөх гэж өнөөгийн эрх баригч МАН улайран зүтгэх нь аргагүй. Гэхдээ 1937 оны хэлмэгдүүлэлт шиг. Яагаад гэвэл Ерөнхий сайд өнөөдөр танхимын зарчмаар ажиллаж чадахгүй байгаатай холбоотой. Үүнийг үл өгүүлээд өнгөрсөн долоо хоногт Монгол Улсын улс төрд ямар ямар үйл явдал өрнөв гэдгийг тоймлон өгүүлэхийг оролдов.
УИХ-ын өнгөрсөн баасан гаргийн (2020.04.17) УИХ-ын чуулганаар ЖДҮ-чдийн “Загалмайлсан эцэг” хэмээн олонд алдаршсан Хүнс хөдөө аж ахуй, хөнгөн үйлдвэрийн сайд Б.Батзоригийг журмын нөхөд нь “хар гэрт” явуулахаар шийдсэнээ Тусгаар Монгол Улсын Төрийн эрх барих дээд байгууллагаас сүр хүчтэй тунхаглав. Энэ нь ард түмний хөрөнгөөр хэрхэн тоглож чаддагаа, бас завшиж чаддаг үнэн дүр төрхөө харуулсан явдал болов.
Энэ талаар УИХын гишүүн О.Баасанхүү “Та нар өнөөдөр нэг ЖДҮ-чнээ явууллаа. Араас нь бас хүмүүс бий. Тэр 49 ЖДҮ-чин хариуцлагаа хүлээх ёстой. Б.Батзоригоо дагаад шударга бай” хэмээх үгийг хэлсэн. Тэгэхээр ард түмний хөрөнгөөр тоглож чаддаг гэдгээ ил тод зарласан Ерөнхий сайд НХХ-ын сайд С.Чинзориг, Сангийн сайд Ч.Хүрэлбаатар, Засгийн газрын хэрэг эрхлэх газрын дарга Л.Оюун-Эрдэнэ нарын зөрүүтэй мэдэгдэл тод харуулна. Өнөөдөр ЖДҮ хэргээр УИХ-ын гишүүн Б.Ундармаа, Г.Солтан, Д.Дамба-Очир нарын хэрэг шалгагдаад шүүхэд шилжсэн. УИХ-ын тухай хуульд “Гэмт хэрэг үйлдэж байхдаа, эсвэл гэм буруутай үйлдэл нь шүүхээр тогтоогдсон бол...” гэсэн асуудал байдаг. Монголоо хайрласан сэтгэл бас ийм. УИХ-ын гишүүн С.Жавхлан ”Монгол түмэндээ уучлаарай гээд хэлчихсэн бол болно. Боловсролтой царайтай хүмүүсийг нам дагуулж тавиад, хувийн эрх ашиг хөөсөн хүнийг тавьчихаар Монгол Улсын хөгжил асар их хойшилж байна. Бид Монголоо гэсэн хүнээ сонгох хэрэгтэй. Энэ баячуул өвчин Монголд авч ирсэн бол аль хэдийнэ зугтаасан байгаа. Хүний нутаг гэдэг дэндүү хүйтэн л байдаг даа. Монголд ирсэн бол монголоо хайрладаг хүмүүс хэрэгтэй байна” гэв. Энэ мэтээр долоо хоногт Монгол Улсын улс төрийн амьдрал өнгөрлөө. Бас нэг асуудал бий. Монголчуудын эрхийг, Монгол Улсад хүний эрхийг хамгаалдаг дарга. Яг мартах биш хэлэх гэж хэл загатнасан асуудал. Учир нь Монголд хүний эрх гэж байна уу. түүнийг хамгаалж чадах уу, гадаадад ч гэсэн биднийг хамгаалж чадаж байна уу...Монголчууд талын нүүдэлчид тамтаггүй амьдралтай. Сонгуулийг дуртай цагтаа өгнө. Товлосон цагтаа очно.
Гэтэл төрийн сонгууль биш төрлийнх болж. Ерөнхий сайд У.Хүрэлсүх, Хөдөлмөр, нийгмийн хамгааллын сайд С.Чинзориг, Сангийн сайд Ч.Хүрэлбаатар гурвын тэс өөр мэдэгдлүүд монголчуудад нэг засаг байхгүй болсныг илтгэж байна. Төрийн сайдуудын энэ хачин мэдэгдэл нь ойлгомжгүй байдал үүсгэж байна. Үүнд жирийн хэдэн иргэний амь амьдрал өртөж сүйрэхийг хэлж мэдэхгүй. Монгол хүн гэр бүлтэйгээ, эх орондоо, бас гадаадад аялах эрхтэй гэж бодож байна. Монгол хүний сэтгэл өөдөө, сэрэх нь жаргал...

эх сурвалж :"Ардчилал таймс сонин"