Монгол Улс бяртай байна. Бярыг нь булчиндаа атгаж, сэлэмний хуйд шургуулсан төртэй юм байна. Учир нь уул уурхайн орлогоор төсвийнхөө 90 гаруй бүрдүүлж үлдэснийг нь татвар, торгуулиар нөхдөг билээ бид. Энэ Монгол Улс. Өөрөөр хэлбэл газрын баялаг, жирийн иргэдийн халаасыг тэмтэрч амьдараг цагаан захтай, цайрсан сэтгэлгээтэй, төрд шургалсан луйварчидтай улс гэдгийг өнгөрсөн дөрвөн жилд өргөн хүрээгээр харж ирлээ. Татвар төлөгчдийн халааснаас төрийн нэрээр хураасныгаа талхны булан хаяж байгаа мэт иргэдээ баярлуулдаг төртэй ард түмэн юм, бид. Татвар төлөгчдийн мөнгөөр, цар тахлын дуулиан доор МАН буянтны дүр эсгэж, сонгуулийн сурталчилгаагаа хийж байхыг харлаа. Засгийн газрын шийдвэрээр “ 0-18 насны хүүхэд бүрт дөрөвдүгээр сарын 01-нээс 10 дугаар сарын 01-ний өдөр хүртэл хүүхдийн мөнгөн тэтгэмжийг 70.000 төгрөгөөр нэмэгдүүлж 100.000 болгон олгоно. Улсын хэмжээнд 1 сая 140 мянган хүүхэд хүүхдийн мөнгөн тэтгэмж өгнө” гэлээ. Хүүхэдтэй хүн бүр л энэ мэдээг баярлан хүлээж авлаа. Харин ард нь эрх баригчдын хүүхдийг чихрээр хуурч байгаа юм шиг ядмагхан санаа цухалзах нь харамсалтай. Дэлхий нийтийг цочроосон цар тахлын үед, сонгуулийн жилийн хөөсөрсөн төсвөө тодотгооч гэж судлаачизд эдийн засагчид иргэд нь Засгийн газраас шаардсан хүссэн ч эрх баригчид энэ бүхнийг үл тоомсорлож ирэв.
Ажил орлогогүй болсон иргэд төрд төлсөн татварын мөнгөө хаана, юунд, хэнд зарцуулагдаж байгааг мэдэх эрхтэй. Төрийн барьж буй МАН-ын тэнэж төөрсөн, байгаа оносон оноогүй буруу зөв оон амлалт шийдвэрт пологтож гүйцлээ.
Төсвийн мөнгийг эрх баригчид харамгүй цацаж байна. Өрмийг нь өөрсөддөө хүртээгээд, хусмыг нь түмэн олонд хувааж цацаж буй тэдний санааг монголчууд гадарлах болсон. Сонгуулийн босгон дээр гэнэт иргэддээ хайр зарлаж, харамгүй түгээж байгаа тэдний шийдвэрт баярлаж, хөөрөөд 60 тэрбумын хэргийг нь, ЖДҮчин гишүүдийнх нь балгийг мартчихна гэж тэд найдаж суугаа болов уу. Та бидний түрийвчээс суглаж авсан мөнгөнийхөө талд ч хүрэхгүй хувийг эргүүлж өгч байна. Хулгайч луйварчдын өгөөш ийг баярлаж хөөрч үмхэг гээд монголчуудыгаа зориуд ядуу байлгах далд сонирхолтой юм биш үү, энэ эрх баригчид.
Социализмын үед Монгол Улсын мал сүргийг 25 саяд хүргэх гээд чадаагүй. Тэгвэл өнөөдөр 80 саяд хүрээд буй. Энэ бол ардчиллын буян. Гэтэл өнөөдөр ард түмнийг элдэвлэж, эмзэг болгож ирсэн МАН хариуцлагаас зугтахын тулд, хамаг олныг мөнгөөр худалдаж авахыг зорьж байна. Түүний бэлээхэн жишээ нь “Хүнсний хангамж зайлшгүй шаардлагатай өрхийн гишүүн-иргэнд олгож байгаа хүнсний талоныг 05 дугаар сарын 01-нээс 10 дугаар сарын 01-ний өдөр хүртэл хоёр дахин нэмэгдүүлнэ. Ингэснээр 122 мянган насанд хүрэгч 32.000 төгрөг, 118.2 мянган хүүхэд тус бүр 16.000 төгрөгийн хүнсний талоны дэмжлэг авна” гэсэн Засгийн газрын шийдвэр. Цар тахлын үеийн бодлого хаана эхэлж, МАН-ын сонгуулийн сурталчилгаа хаана дуусах вэ?

ЭХ СУРВАЛЖ: "АРДЧИЛАЛ ТАЙМС" СОНИН