УИХ-ын сонгуулийн 29-р тойрог, Хан-Уул дүүрэгт нэр дэвшигч Банзрагчийн Түвшин өнөөдөр нэр дэвшигчийн үнэмлэхээ гардан авлаа. Тэрээр эдийн засагч, санхүүч, хуульч мэргэжилтэй. Төсвийн үр ашиг, бүтээмжийн менежментийг нэвтрүүлэх, төрийн шинэ менежментийг нэвтрүүлэх, дундаж давхаргыг бат бөх болгох тухай асуудал хөнддөг нэгэн.

Мөн санхүүгийн салбартаа хүлээн зөвшөөрөгдсөн цөөхөн санхүүчдийн нэг гэж үздэг. Монголын Мэргэшсэн Нягтлан бодогчдын институтийн Ерөнхийлөгчөөр ажиллахдаа менежментийн олон төслийг нэвтрүүлснийг салбарынхан нь мэддэг юм билээ. Тэр дундаа улсын салбарын санхүүгийн менежментийг сайжруулах нь одоо түүний хувьд гол зорилго нь болчихоод байгаа. Ийм учраас УИХ-ын сонгуульд ялалт байгуулвал улсын төсөв, улсын өрийг эмх цэгцэнд нь оруулахаар ажиллах цөөхөн хүмүүсийн нэг нь түүнийг гэж хэлж болно.

Тэрээр олон нийтийн төлөөлөл болж ажилласан сонгуульт ажлын туршлага сайтай, бэлтгэгдсэн улстөрч. Тухайлбал Хан-Уул дүүргийн ИТХ-д нэг удаа, Нийслэлийн ИТХ-д хоёр удаа сонгогдон ажиллаж байсан. Энэ хэрээр дүүргийн нөхцөл байдал, тулгамдсан асуудал, иргэдийн ахуй амьдрал, цаашдын төлөвлөлтийг хамгийн сайн мэдэх хүн юм.

АН-ын нэр дэвшигчид нийт сонгогчиддоо “Ардчилсан 10-н арга зам”ыг санал болгож байгаа. Үүнд 100.000 өрхийг түрээсийн орон сууцаар хангах, хамтын тэтгэвэрийн тухай хуулийг сэргээн хэрэгжүүлэх, зээлийн хүүг бууруулж нэг оронтой тоонд шилжүүлэх, Аж үйлдвэрийн хувьсгалыг эхлүүлэн 100.000 ажлын байр шинээр бий болгох, НӨАТ ыг 5 хувь болгон бууруулах, дипломат албыг шинэчилэн Монгол Улсыг хар жагсаалтаас гаргах зэрэг зорилтууд багтаж байна.

Нэр дэвшигч Б.Түвшингийн сонгуулийн штаб