Б.САРУУЛ 

УИХ-ын сонгуулийн 29 дүгээр тойрог, Ардчилсан намаас нэр дэвшигч Чадраабалын Өнөрбаяр өөрийн пэйж хуудсан дээр нийт нэр дэвшигч нартаа амжилт хүсч, улс төрийн зөв хандлагыг хамтдаа тогтоохыг уриалжээ.

Чадраабалын ӨНӨРБАЯР: -Би УИХ-ын сонгуулийн 29 дүгээр тойрогт Ардчилсан намаас нэр дэвшигч Чадраабалын Өнөрбаяр байна. Энэ цаг үед мэдлэг, боловсролтой, ёс зүйтэй, сайныг үлгэрлэж чадах маш олон залуучууд надтай цуг өрсөлдөж байгаад би туйлын баяртай байна. Манай намаас мөр зэрэгцэн нэр дэвшиж байгаа хоёр нэр дэвшигч маань ч үүнд хамаатай. Бусад нам эсвэл, бие даан нэр дэвшиж буй залуучууд ч багтаж байна. Бид бодлогын зөрүүтэй. Монгол Улсыг хэрхэн хөгжүүлэх вэ гэсэн хүсэл мөрөөдөл маань нэг юм. Бид хамтдаа шийдэж чадна. Бид шударгаар өрсөлдөх ёстой. Шударгаар их зүйлийг бүтээх ёстой. Хүн хүндээ зөв байя гэж уриалъя. Нийт нэр дэвшигч нартаа бүгдэд нь амжилт хүсч байна. Монголын ирээдүйн төлөө бид хамтдаа их зүйлийг хийж чадна. Өмнөх үеийн улс төрийн муу соёлыг биш улс төрийн шинэ соёлыг энэ цаг үед бий болгоё. Дараа үедээ бурууг өвлүүлэхгүй байя гэдгийг нийт нэр дэвшигч нарт хандаж хэлье. Амжилт хүсье” гэж уриалжээ.

Ардчилсан намаас нэр дэвшигч Ч.Өнөрбаяр нь боловсрол өндөртэй, үзэл бодлын хувьд төлөвшсөн, өрсөлдөөний зорилго бол Монгол Улсыг хөгжүүлэх бодлогын уралдаан юм гэдгийг сануулан хэлж буй шинэ цагийн улстөрч юм.