УИХ-ын сонгуулийн 16-р тойрогт АН-аас нэр дэвшигч Нэргүйн Пунцагийг дэмжих таван шалтгааныг танилцуулж байна.

НЭГ: Шинэ цагийн залуу улстөрч  

Нэргүйн Пунцаг нь Ховд аймагт УИХ-ын сонгуульд нэр дэвшигчдээс хамгийн залууд тооцогдож байна. Ховд аймгийн уугуул нэгэн бөгөөд 2008, 2012 онд УИХ-ын сонгуульд нэр дэвших санал ирж байв. Гэвч өөрийгөө арай “болоогүй” хэмээн голсоор өдий хүрч ирж. Харин энэ удаагийн сонгуульд зон олныхоо төлөөлөл болон орж ирж буй шинэ залуу улстөрч.

ХОЁР. Төрд ажилласан туршлагатай

Улс төр болон намдаа аль хэдийн өөрийн гэсэн орон зайг бий болгож, байр сууриа эзэлсэн нэгэн. Автотээврийн салбарт дарга хийж явсан зөв түүхтэй. Тээврийн салбарт арав гаруй жил ажилласан, Зам тээврийн сайдын зөвлөх (2012-2013), Авто тээврийн Үндэсний төвийн тэргүүн дэд захирал (2013-2016), Авто тээврийн газрын орлогч дарга (2008-2012)-аар ажиллаж байсан. Энэ салбарыг арван хуруу шигээ мэднэ.

ГУРАВ. Төрийн өмч, тендер, концесс, авлигатай холбогдоогүй, нэр цэвэр

Төрд ажиллах хугацаандаа хууль бус асуудалд нэр холбогдож байгаагүй. Төрийн тендер, концесс, авлигын асуудал, идэж уусан, хулгай хийсэн, луйвардсан, элдэв янзын хар түүхгүй. Мөр бүтэн нэгэн юм.

ДӨРӨВ. Нутагтаа хийсэн ажилтай

Нутгийнхныгаа сүүлийн 15 жил тойглон, боломж, бололцооныхоо хэрээр туслан яваа. Сонгууль дөхөхөөр гэнэт “Нутагтаа хүү нь ирлээ” гэсээр нэр дэвшдэг хүн цөөнгүй. Харин тэрбээр хэзээ ч нутгаа орхиогүй, түмэндээ тусалсаар өдийг хүрсэн сайн намтартай. Энэ ч оюутны төлбөр, тэр ч сумын эмнэлэгт түргэн тусламжийн машин, 17 малчин өрхөд шинэ гэр өгөх гэх мэтчилэн боломжийнхоо хэрээр тусламжийн гараа байнга сунгадаг.

ТАВ. Эгэл ард, иргэдийнхээ амьдрал, асуудлыг ойлгоно

Үйлчилгээний ажилчдын ажлын орчин нөхцөл, цалин тааруу. Үүнийг л олж харж нутагтаа “Хүнлэг үйлстэн” үйлчилгээний ажилчдын холбоог байгуулсан. Түүнээс өмнө үйлчлэгч, үйлчилгээний ажилтнуудын эрх ашгийн төлөө дуугардаг нэг ч холбоо Монголд байгаагүй. Монгол Улс өнгөтэй, өөдтэй, өөдлөн дэвжиж буйд үйлчилгээний ажилчдын гавьяа асар их. Гэтэл бүхий л нийгмийн үед Монгол Улс үйлчилгээний ажилчдаа тордож, тойглоогүй, гаргуунд үлдээж явсаар өдий хүрсэн. Харин Н.Пунцаг “Хүнлэг үйлстэн”-г байгуулснаас хойш мэдэгдэхүйц өөрчлөлт, ахиц гарсныг салбарынхан нь дуу нэгтэйгээр хүлээн зөвшөөрч, онцолдог. Эгэл ард, иргэдийн төлөөлөл болж амьдрал ахуйнх нь асуудлыг ойлгохын дээдээр ойлгоно.