УИХ-ын гишүүн Ц.Анандбазар тангараг өргөхдөө тангараглая гэж хэлэх байсан боловч илэрхийлье гэж хэлээд олон нийтээс шүүмжлэл дагуулсан юм. Тэгтэл өнөөдрийн чуулганы хуралдаанаас 15 минут хоцорч чуулганы хурал дээр үг хэлэх эрхээ хасуулав. МАН-аас сонгогдсон шинэхэн гишүүн Ц.Анандбазар эхнээсээ буруу хөл дээрээ боссон аятай УИХ-ын танхимд “жижгэдэв”.Тэрбээр Төрийн ордонд тухлах гэж мөн ч их хичээсэн дээ. Хэд хэдэн удаа оролдож байж энэ удаа хүсэл биелэж хүрзэн цагаан шүдээ ярьс хийтэд мишээв. Түүнийг эцгийн биш “Сод Монгол”-ын Анандбазар гэдгээр хүмүүс мэднэ. УИХ-д бас л энэ овгоороо дуудуулж сайн муугаа дэнслүүлж явах биз. Гэхдээ “Сод Монгол”-ын Анандбазар гэхээр сайнаас илүү мууг нь хүмүүс ярих юм билээ. Тэрбээр 2012 оны УИХ-ын ээлжит сонгуулиар МАН-аас Дорноговь, Говьсүмбэр аймаг буюу УИХ-ын сонгуулийн 6-р тойрог нэр дэвшсэн гарч чадаагүй. Харин Булган аймагт өнөө жил очиж шатахууны кар, хятад мотоцикл тарааж байж УИХ-д орж ирсэн гэж хүмүүс хэлж байгаа. Тэгэхээр “Сод Монгол”-ын шатахууны карт, мотоциклын үнэ Монголын ард түмэнд хэрхэн тусахыг УИХ-ын шинэ гишүүн Ц.Анандбазарын чуулган дээр хэлэх үг, санаачлах хуулийн төсөл, ажил үйлс, цаг хугацаа харуулах л үлдлээ дээ. Олны олиггүй муу үг сонсч, дааж сурсан үгүй нь одоо л танигдах мөч ирлээ. Чилийсэн боловч бас богинохон дөрвөн жилийн хугацаа түүнийг ямар хүн бэ гэдгийг харуулах нь.