Цэргийн холбоонд илгээлт явуулж, баяр хүргэж, зөв санаачлага хэмээн  бахдаж байсан  Х.Баттулга өнөөдөр юу ярина вэ

    Тамгын газрын дарга З.Энхболдоосоо болж  Цэц дээр унасан Ерөнхийлөгчийн уур одоо ч гараагүй байгаа. Нэр дэвших асуудал бүтэлгүй талдаа ормогц сандарч мэгдэн мэдэгдэл хийж Ардын намыг тараах тухай Дээд шүүхэд захирамж хүргүүлж байгаагаа Ерөнхийлөгч Х.Баттулга мэдэгдсэн. Үүнийгээ  Ардын намын дарга   цэрэгжсэн холбооны дарга учраас гэх маягийн тайлбар хийсэн. Гэвч үндэслэл судалгаагүй мэдэгдлийнх нь хариуг өнөөх холбооноос нь дор нь өглөө. У.Хүрэлсүх энэ холбооноос хамааралгүй гээд мэдэгдчихлээ. Түүгээр зогсохгүй Р.Амаржаргал клабхаусд хэлэлцүүлэгт орохдоо энэ талаар мэдэгдлээ. “Би тэнд очсон. Ардын намыг тэр Монгол  цэргийн холбооны асуудлаар тараана гэж Х.Баттулгыг хэлэхэд гайхсан. Х.Баттулга өөрийнхөө илгээлтийг явуулж, их зөв зүйтэй санаачлага боллоо гэж байсан” гэсэн юм.