Монгол Улсын Ерөнхийлөгчийг сошиалд “Жонхуу” гэж бичсэн хэмээн гомдол зарга үүсгэсэн гэх мэдээлэл явж байна. “Элийрэгч” нэрээр танигдсан иргэн Ц.Уянга болон Э.Одбаяр нарыг “Жонхуу” хэмээн бичиж нэр төрд халдсан  хэмээн эрүүгийн хэрэг үүсгэхээр гомдол гаргасан  гэх мэдээлэл олон нийтийн анхаарлыг татаж байна.

Иргэдийн зүгээс Ерөнхийлөгчийг өөрөө “Жонхуу” нэрийг түмэнд зарлалаа, нэр төрдөө яасан ч их хайртай юм, өөр хийх ажил их л баймаар юм даа, яасан завтай юм бэ?, энэ бол дарангуйлал гэх зэргээр өөрсдийн байр суурийг илэрхийлээд эхэлжээ.

Харин энэ асуудалд нэр холбогдсон иргэн Ц.Уянга “Жонхуу гэлээ гээд гомдоод цагдаа хөдөлгөж ээжид маань шийтгэвэр хүчээр гардуулаад тэрийг нь би шүүхдээд нэг мөр шийдвэрлүүлчихсэн шүү дээ. Бас ахиад нэг гомлоороо 2 дахиа өгөөд бгаамуу?” хэмээн жиргэжээ.

Хэргийг сануулахад, хоёр жилийн өмнө Ерөнхийлөгчийн зүгээс “Жонхуу” гэлээ хэмээн шүүхэд гомдол гаргаж байсан юм. Шүүхээс Ц.Уянгад Зөрчлийн хуулиар хоёр сая төгрөгийн  торгууль оногдуулсан ч иргэн Ц.Уянга давж заалдан торгуулийн ялыг хүчингүй болгож байжээ.