Ерөнхийлөгч асан Ц.Элбэгдорж сошиал орчинд байр сууриа илэрхийлэхдээ АН-ынхаа өнөөгийн байр байдал, жагсаал өлсгөлөнг хийж буй намынхаа нөхдийнхөө тухай байн байн ярих болсон.

Ц.Элбэгдорж: “Х.Баттулгын Монголын ардчилал руу дайрах дайралтыг тэвчиж чаддаггүй юм. Ардчиллыг гутаах атлаа коммунист дарангуйлагчдыг магтан дуулахтай нь би санал нийлдэггүй юм. Монголын өнгө болсон хүмүүс, алтан ургийнхан, эх орончдыг хэлмэгдүүлсэн, аймаглан хүйс тэмтэрсэнийг би ямар ч шалтгаар зөвтгөж чаддаггүй юм. Монголын ардчиллаас, ардчилсан боломжоос хамгийн их хувьдаа хожоо гаргасан хүн бол Баттулга. Хожоо гаргаж яваа хүн бол бас л Баттулга.  Монголын ардчиллыг гутаах ажлыг зохион байгуулалттай, төлөвлөгөөтэй, дэс дараатай хийж байгаа хүн бол энэ хүн” гэжээ.

Мөн “Би Баттулгатай тэмцээд байгаа юм биш. Яг үнэндээ ардчиллыг Баттулгаас өмөөрөөд байгаа юм. Ард түмнийхээ сонголтыг хамгаалаад байгаа юм. Араатан шиг хаагуур нь орж ирж хүү татах бол гэж хүмүүс түүнээс айдаг болж. Тиймээс би өөрийгөө бодож биш, ард олноо бодож ярихаас аргагүй болоод байгаа юм. Баттулгад зовлон бий. Би ойлгож байна. Шоронд орохоос зугтаж ордонд түр орогнож байгаа хүн. Цагдаагийн ажилтан Баттулгыг харахаар бариад шалгачихмаар этгээд шиг. Прокурор хүний нүдэнд тэр торвол гарцаагүй ял төлөвлөмөөр. Шүүгчид бол шүүх хуралд уулзмаар, тийм л өнгөөр Баттулга тэдний нүдэнд харагдаад байгаа. Тиймээс Баттулга Монголын шүүх, хууль, төрийг толгойд нь гарсан өдрөөсөө өшигчиж байгаа юм. 

Түүнд  Монгол хүний эрх чөлөөт, бие даасан байдал руу дайрах хувийн болоод хөндлөнгийн сонирхол оршдог. Түүнийгээ өөрийн үйлдэл, кино, нэвтрүүлгээрээ түмэнд олонтой толилуулсныг Монголын төлөө нүд чих бүхэн үзсэн, сонссон. Зарим нь бүр дасал болжээ. Түүнд нь амташсан, донтсон хэсэг ч бий.  Харин одоогоор тэр Монгол Улсад эмгэнэлт, бас хорон харш үйлдлийг гүйцэлдүүлээд байгааг дурьдахгүй байж болохгүй юм” гэх мэтчилэн ярьжээ.

Б.НАРАН