Өлсгөлөн зарлаж олон нийтийг эрсдэлд оруулж буй тул УИХ-ын даргын захирамжаар МАН болон АН-ын бүлгийн төлөөллөөс бүрдсэн зөвшилцлийн Ажлын хэсэг байгуулсан. Цар тахлын хүнд нөхцөлд асуудлыг шийдвэрлэх, зөвшилцөхөөр талбай дахь өлсгөлөн зогссон.

Нэг намын дотоод зодоон савнаасаа хальж буй тул эрх баригчид АН-ыг харилцан ойлголцолд хүрч ажиллах ёстой гэж үзэж буйгаа илэрхийлж байгаа. АН-ын хоёр талынхан дотроо зөвшилцөлд хүрч чадахгүй болсон тул хоёр талаасаа буруугаа МАН руу чихэж суугаа.

Ерөнхийлөгчийн сонгуульд АН-аас С.Эрдэнэ, Н.Алтанхуяг нарын хоёр нэр дэвшигч тодорсноос үүдэлтэй энэ талцал маргаанаа одоо АН цэг тавьж, ковидын үед улстөржилтөө зогсоох хэрэгтэй. АН-ын дотоод асуудал нь Монголын төр засгийн үйл ажиллагаанд саад, тээг учруулах ёсгүй билээ.

С.БАЛДАН