Олон намт парламентийн тогтолцооны төлөө байгуулагдаж байсан Монголын ардчилсан холбоо /МоАХ/ өнөөдөр улс төрийн намуудыг тараах тэмцэл эхлүүлж байгаа гэж мэдээллээ. Энэхүү тэмцлээ Монголын бүх улс төрийн намуудыг тарааж дахин эмхлэгдэн байгуулагдах хүртэл  үргэлжүүлнэ гэж мэдэгдсэн юм.

Энэ мэдэгдлээс харахад МоАХ-ынхан Монгол улсын парламантийн засаглалыг үгүй хийж, оронд нь өөрсдийн “эзэн” Х.Баттулгаар улсыг удирдуулахыг хүсэж байх шиг...

МоАХ нь 1989 онд залуу уран бүтээлчдийн зөвлөгөөн дээр байгуулагдаж байсан бөгөөд Ц6Элбэгдорж, С.Эрдэнэ нар удирдаж явсаар 2007 онд Х.Баттулга ерөнхийлөгчөөр нь ажиллах болсон. Үүнээс хойш Х.Баттулга МОаХ-ыг улс төрийн тэмцэлдээ ашигласаар өнөөдрийг хүрсэн. МоАХ гэх нэр сүүлийн жилүүдэд зөвхөн Х.Баттулгын захиалга, дохиураар улс төрийн үйл ажиллагаа явуулдаг. Ингэхдээ төлбөртэй жагсаал цуглаан зохион байгуулж, иргэдийг үймээн самуунд урайлж, нэг хүний дарангуйллыг дэмжих болсон. Тиймдээ ч МоАХ-ныхон улсаас үнэгүй байр авч холбоондоо ордонтой болсон биз.

МоАХ бол ардчиллыг ард түмэнд авчирсан гэж өөрсдөөрөө овоглодог. Гэтэл тэд иргэн улс төрийн намыг дэмжиж, нэгдэх эрхэнд халдаж, улс төрийн намыг тараах тухай ярилаа. Энэ нь ардчилсан Монгол улсад парламентын тогтолцоог утсгах оролдлого биш гэж үү?

Өнөөгийн Монголын нийгэмд МоАХ залуучуудыг төлөөлж чадахгүй болсон нь үнэн. Тиймээс Монголын ард түмний эсрэг, ганц хүний улс төрийн төлөө ажиллах болсон ардчилсан гэх тодотголтой МоАХ гэдэг “халаасны” байгууллага өөрсдөө татан буугдах ёстой.  

Товчхондоо ардчилал яригсад өөрсдөө ардчиллаа устгах оролдлогыг энэ мэт халаасны байгууллагуудаараа хийлгэсээр байна.

С.Эрдэнэ