Эдийн засгийн ухааны доктор Т.Баярхүү ярилцлагадаа “Х.Баттулга өөрөө дандаа хүнтэй хуйвалдаж явдаг хүн. Үндсэн Хууль батлагдсны дараахан Ерөнхийлөгчийн Тамгын Газрын дарга З.Энхболдын ярилцлага гарсан байдаг.

Мань эр ямар ч санаа зовох юмгүйгээр:  “2020 оны 5 дугаар сарын 25-аас үйлчилнэ гэдэг нь шинээр нэр дэвших хүнд хамааралгүй, тэр байтугай П.Очирбат, Н.Багабанди, Н.Энхбаяр, Ц.Элбэгдорж, Х.Баттулга нар бүгд дэвших эрхтэй” гэж тайлбарлаж байсан.

Үүнд нь Х.Баттулга хууртагдсан юм шиг байгаа юм. Х.Баттулга төмөр зам гэх мэт янз янзын будлиан хутгаад явж байсан учраас бизнест дандаа аргалж, зальдаж явдаг шигээ бодсон бололтой. Гэтэл улстөр бол бизнес биш. “Ниргүүлсэн хойноо хашгирав” гэгчээр  Х.Баттулгын өөрийнх нь буруу.

Гэтэл одоо болохоор намайг дэвшүүлсэнгүй гээд хэсэг хүмүүсийг талбай дээр өлсгөлөн зарлуулж, Ардчилсан холбоо нэртэй хүмүүсээр үргээлэг хийлгэх хэрэг байхгүй. Үнэхээр тийм юм бол Үндсэн хуулийн нэмэлт, өөрчлөлт батлагдаж байх үед нь жагсаахгүй яасан юм. Би Х.Баттулгатай багын найз, олон жил нөхөрлөж, хичнээн ч удаа нийлж, салж үзсэн” гэж ярьжээ.

Х.Баттулгын багын найз Т.Баярхүү ийнхүү Ерөнхийлөгчийн тухай ярив.