АН-аас нэр дэвшигч С.Эрдэнийг сонгуулийн сурталчилгааны үеэр “хөөж тууж” дэмжихгүй байх үүргийг хоёр хуваагдсан АН-ын нөгөө талаас хийж байгаа гэнэ.

Тухайлбал, С.Эрдэнийг Дорнод аймагт очиход нь АН-ын гишүүд нь эсэргүүцлээ илэрхийлжээ. Дорнод аймгийн АН-ынхан С.Эрдэнэ гэдэг хүнийг дэмжихгүй шүү, Ц.Туваан даргыг хүлээн зөвшөөрнө гэх мэтээр намын гишүүд нь хэлжээ. АН хоёр хуваагдаж, хос тамга, хоёр тамгатай явсны гор ингэж гарав. С.Эрдэнийн талын АН, Женкогийн буюу Ц.Тувааны талын АН гэж хоёр хуваагдсан. С.Эрдэнийг женкогийн талаас унагахын төлөө байгаа гэнэ.

Тиймээс женкогийн талынхан Д.Энхбатыг дэмжихээр болсон гэх мэдээлэл сошиалд тавигдаж байна. Үүний нэгэн илэрхийлэл нь судлаач Ганаа Д.Энхбатыг дэмжсэн нийтлэл бичиж, ХҮН-ын нэр дэвшигчийг дэмжинэ гэдгээ ил илэрхийлэх болсон.

АН-ын хуваагдлаас үүдэлтэйгээр АН-ын тодорхой хэмжээний санал ХҮН нам руу Д.Энхбат руу очих магадлал өндөр. Үүнд дөрөөлж женког дэмжигчдийн талаас Д.Энхбатыг илэрхий дэмжиж энэ сонгуульд оролцож байгаа талаар улс төрийн хүрээнийхэн ярьж эхлэв. Санал авах зорилгоор АН, ХҮН-ын дунд өрсөлдөөн хэдийнэ эхэлсэн бөгөөд нэр дэвшигч С.Эрдэнийг очсон аймаг, орон нутагт дэмжихгүй байх үүрэг даалгавар нь ХҮН-ын нэр дэвшигч Д.Энхбатад хожилтойгоор тусахаар болжээ.

Ч.ДАШ