2016 онд ОХУ-ын Ростех корпорацийн мэдэлд байсан Эрдэнэт үйлдвэрийн 49 хувийн энгийн хувьцааг Монгол Улсад шилжүүлэн, “Эрдэнэт үйлдвэр” 100 хувь Монголын мэдэлд ирснийг тухайн оны зургадугаар сарын 28-нд Ерөнхий сайд асан Ч.Сайханбилэг мэдэгдсэн. 

Гэвч Эрдэнэт үйлдвэрийн 49 хувийг улс төрийн мафижсан бүлэглэл буюу  “Монголын зэс" корпораци авчихсан байдаг юм. Ямартай ч У.Хүрэлсүхийн Засгийн газар Эрдэнэт үйлдвэрийг 100 хувь төрийн мэдэлд авчирснаар бид өнөөдөр тог, дулааны, усны мөнгийг Эрдэнэт үйлдвэрээр даалгаж байгаа.

Товчхондоо Ц.Элбэгдорж, Ч.Сайханбилэг, ХХБ-ны УЗ-ийн дарга сахал Д.Эрдэнэбилэг нарын бүлэглэлийнхэн Эрдэнэт үйлдвэрийг хувьдаа завшсаныг эргэж Төрд авчирч, өнөөдөр монголчууд бултаараа Эрдэнэтээс хүртэх ашгаа хүртэж байна.

Ерөнхийлөгч асан Ц.Элбэгдорж тэргүүтэй хэдхэн олигархуудын уул уурхай дагасан шунал амбиц албан тушаалд очих гэсэн санаархал одоо болтол үргэлжилсээр байна. Одоо Ерөнхийлөгчийн сонгуульд ХҮН-аас нэр дэвшигч Д.Энхбат бол Ерөнхийлөгч асан Ц.Элбэгдоржийн зөвлөх байсан, Д.Энхбатын ард Ц.Элбэгдорж байгаа гэх мэдээлэл хэвлэлээр гарч байсан. Ерөнхийлөгч асан Ц.Элбэгдорж Д.Энхбатыг төрийн тэргүүний сонгуульд дэвшүүлж, ил далд дэмжих болсон. Монголын улс төрд хийсэн гай, гавьяагаараа олонд танигдсан Ц.Элбэгдорж нарын бүлэглэлийнхэн Д.Энхбатыг Ерөнхийлөгчийн сунгаанд сойж монгол төрийн тэргүүнийг дахин авахаар санаархаж байна гэх мэдээлэл гарч байна.