Монгол Улсын Ерөнхийлөгчийн сонгуульд ХҮН-аас нэр дэвшигч, "Датаком”-ын Д.Энхбат Тайландад үнэтэй хаустай гэдгээ хүлээн зөвшөөрлөө. Тодруулбал... Тайландын эртний хотуудын нэг, хааны амралтын хот гэдгээрээ алдаршсан Хуа Хинд Д.Энхбат нь тансаг хаустай гэдэг мэдээлэл цацагдсан. 

Тэгвэл Д.Энхбат энэ талаар твиттер хуудастаа "Миний байрны тухай шуугих хүмүүс байх юм. Миний ХОМ-ээс авсан мэдээллийг түгээгээд л... Би өөрөө нийтэд ил мэдээлсэн зүйл шүү дээ. Төрийн албан хаагч биш, жирийн иргэн, бизнесмэн хүн байр орон сууцтай байх нь тийм л айхтар УТ-ийн асуудал юм байх даа" гэжээ. 

Монгол Улсын Ерөнхийлөгчийн сонгуульд нэр дэвшигчд Хөрөнгө орлогын мэдүүлгээ АТГ-т хүргүүлдэг. Түүний ХОМ-т нийтийн орон сууц НЭГ, Зуслангийн байр НЭГ гэсэн байна. Өөрөөр хэлбэл Д.Энхбатын жиргэсэн шиг Тайланд дахь үнэтэй хаус нь түүний ХОМ-т тусгагдаагүй байна. /ХҮН-ээс нэр дэвшигч Д.Энхбатын ХОМ-ийг ЭНДЭЭС харах боломжтой/

Ямартай Тайланд дахь хаусыг хэдэн төгрөгөөр яаж худалдаж авснаа ХОМ-т тусгаагүй байна. Гэхдээ 

• “Датаком” ХХК-иас Д.Энхбатын нэрээр 2020 оны хоёрдугаар сарын 12-нд 14 000 /арван дөрвөн мянга/ ам.доллар
• хоёрдугаар сарын 12-нд өдөр 18 000 /Арван найман мянга/ ам.доллар
• 2020 оны наймдугаар сарын 6-нд 8 700 /Найман мянга долоон зуу/ ам.доллар
• 2020 оны наймдугаар сарын 7-нд 50 000 /Тавин мянга/ ам.доллар
• 2020 оны арванхоёрдугаар сарын 21-нд 15 000 /Арван таван мянга/
• 2020 оны арванхоёрдугаар сарын 23-нд 15 000 /Арван таван мянга/ нийт 120 700 /Нэг зуун хорин мянга долоон зуу/ ам.долларыг THE RESIDENCE HUA HIN 107/8. /NUMBER-3108/ ENKHBАT утгаар Тайланд улс руу шилжүүлжээ. 

Ийнхүү нэр дэвшигч Д.Энхбат Тайландын хамгийн өндөр өртөгтэй Хуа Хинд амралтын хотод тансаг зэрэглэлийн хаустай гэдгээ хүлээн зөвшөөрсөн ч ХОМ-тээ тусгасан гэж худал ярьлаа.