Монгол Улсын Ерөнхийлөгчийн сонгуульд нэр дэвшин өрсөлдөж буй гурван нэр дэвшигчийн сурталчилгаа үргэлжилж байх энэ үед ХҮН-аас нэр дэвшигчийн мөрийн хөтөлбөрт өөрчлөлт орсон уу гэдэг асуулт цахим орчинд давалгаалж эхэллээ.

Тодруулбал... Иргэн С.Мөнхчулуун сошиал орчинд... "ХҮН-аас Ерөнхийлөгчийн сонгуульд нэр дэвшигч Д.Энхбат гуайн мөрийн хөтөлбөртэй сонин зарим айлуудаар тараагдсан байна. Гэтэл Үндэсний аудитын газраар баталгаажсан мөрийн хөтөлбөрт нь огт байхгүй заалтуудыг сониндоо оруулсан байх юм. Би сүүлийн 7 хоног Клабхаусд явагдаж буй 3 намаас Ерөнхийлөгчийн сонгуульд нэр дэвшигчдийн мөрийн хөтөлбөрийн харьцуулалт хэлэлцүүлэгт оролцож байгаа болохоор уншаад цочлоо. Тэгээд Үндэсний аудитын газраар баталгаажсан мөрийн хөтөлбөртэй нь тулгаж үзэхэд үнэхээр өөр байна. Ингэж мөрийн хөтөлбөрт нь тусгагдаагүй амлалтаар иргэдийг хуурч болохгүй шүү дээ" гэжээ. 

Ерөнхийлөгчид нэр дэвшигчийн мөрийн хөтөлбөрт иргэдэд үнэ төлбөргүй, хямдралтай үнээр үйлчилгээ үзүүлэх, уул уурхай, газрын тос, эрдэс баялгийн болон бусад салбарын орлогоос болон улс, орон нутгийн төсвөөс аливаа хишиг, хувь, тэдгээртэй адилтгах бусад зүйл хүртээх, ажлын байранд зуучлах, ажилд оруулах зэрэг Ерөнхийлөгчийн бүрэн эрхэд хамааралгүй зүйл тусгахыг хориглодог. 

Ерөнхийлөгчийн сонгуулийн тухай хуулийн 43.4.3-т сонгуулийн мөрийн хөтөлбөрт тусгагдаагүй аливаа зорилт, арга хэмжээг хэрэгжүүлэх талаар амлалт авах, ийм агуулга бүхий аливаа үйлдлийг сонгуулийн сурталчилгаанд ашиглахыг хориглоно гэж заасан. 

Ямартай ч Үндэсний аудитын газраас гурван нэр дэвшигчийн мөрийн хөтөлбөрийг хуульд нийцсэн хэмээн гэж үзсэн байтал ХҮН-аас нэр дэвшигч Д.Энхбатын мөрийн хөтөлбөрт сурталчилгааны материал дээр өөр байгааг иргэд шүүмжлэлтэй хандаж байна. 

Сонин дээрх Д.Энхбатын мөрийн хөтөлбөр... 

Үндэсний аудитын газраар хянуулсан ХҮН-аас нэр дэвшигч Д.Энхбатын мөрийн хөтөлбөрөөс...