Ерөнхийлөгчийн сонгуульд ХҮН-аас нэр дэвшигч Д.Энхбат коронавирусын халдвартай нь батлагдаж, тусгаарлагдсан.

Тэрээр “вакцинд хамрагдахгүй явж байгаад нэр дэвшихээр болсон өдөр буюу 5 сарын 2-ны өдөр эхний тундаа хамрагдсан байна. Харин 2 дахь тунгаа 5 дугаар сарын 23-нд хийлгэх ёстой байсан ч "хөдөө орон нутагт сонгуулийн сурталчилгаагаа хийж явсан тул дотор эвгүйрхэж, бие хямрах байх гэж бодоод хийлгээгүй. Мөн би хөдөө явахдаа сөрөг хариутай яваад ирэхдээ эерэг болчихоо. Хөдөөнөөс халдвар авчихлаа” гэж мэдэгдсэн юм.

Энэхүү мэдэгдлийн дараа нэр дэвшигчийн олон нийтийн дундах рейтинг унаж эхэлсэн бөгөөд цахим хуудаст түүнийг буруутгасан, шүүмжилсэн сэтгэгдлүүд тасрахгүй хөвөрч байна.

Ямартай ч өөрийнхөө биеийг хямраахгүй гээд вакцин хийлгэхээс татгалзсан Д.Энхбатад ард түмнээ эрсдэл оруулах вий гэсэн бодол байсангүй.

Өөрийгөө сэхээтэн гэж сонгуулийн сурталчилгааныхаа пиарыг хийж байгаа хүн ийм хариуцлагагүй байна гэдэг нь цаашдаа ч ард түмнээ бодохгүй, хариуцлага хүлээх чадваргүй гэдгээ энэ үйл явдлаар тод харууллаа.