УИХ-ын гишүүн Сү.Батболд сүүлийн жил гаруйн хугацаанд сошиал дайралтад өртөж гүтгүүлсээр ирсэн. Тэр чимээгүй урдах ажлаа хийгээд тайлбар хүссэн хэвлэлийнхэнд хандан “Үнэн худлыг нь хуулийн байгууллага нь тогтооно. Гадны хэвлэлээр захиалгатай худал мэдээлэл цацагдаж байгаатай холбоотойгоор шалгуулж үнэнээ тогтоолгох болно” гэх байр суурийг илэрхийлж байсан билээ.

Саяхан   АНУ-ын лобби компани болох “Ди-Си-Ай” /DCI Group/ группээс мэдэгдэл гаргаж, Монголын АН нь биднийг хууран мэхлэх замаар гэрээ байгуулсантай холбоотойгоор МАН болон УИХ-ын гишүүн Сү.Батболдын талаар гүтгэлэг тараасандаа залруулга хүсч уучлалт эрсэн мэдэгдэл гаргасан байна.

Сү.Батболдыг Нью-Йоркийн гэх мэт гадны тав зургаан ч орны шүүхээр шалгаж байна, оффшорын асуудал гэх мэт мэдээллийг гадны хэвлэлээр гаргаад байсан нь бодит бус, шууд гүтгэлэг байсныг “DCI” хүлээн зөвшөөрсөн байна.

АНУ-ын шүүх Монголын шүүх биш учраас ийм гүтгэлэг тараах нь эргээд маш том хохирол дагуулдаг. Тиймээс АН нь тус компаниар ийм юм хийлгэсэн учраас “DCI” нь “хууран мэхэлсэн” гэсэн маш ноцтой үг хэрэглэж, өмнө мэдээлэл тараасан байсан бүх хэвлэлийн байгууллагуудад хандаж өмнө нь худал мэдээлэл түгээснээ залруулан мэдэгдэл гаргасан байна.

Энэ нь Монголоос гадаадын өндөр хөлс бүхий пиар, лобби компаниудад захиалга өгч, өрсөлдөгч нэгнээ гүтгэн харлуулдаг бохир технологи явагдсан гэдэг нь ил тодорхой байна.

О.ӨРНӨХ