Өчигдөр Засгийн газрын хуралдаанаас гарсан шийдвэрийг танилцуулах үеэр Засгийн газрын хэрэг эрхлэх газрын дарга Ц.Нямдорж хариуцлага алдсан хүмүүсийг зүгээр өнгөрөөхгүй гэсэн сүржин мэдэгдсэл хйисэн. Түүний өмнө УИХ-ын дарга Г.Занданшатарын “УИХ ажил хариуцсан сайдуудаас хариуцлага нэхэж ажиллана” хэмээн чуулганы нээлтийн үеэр хэлж байсан юм. Тэд өөрсдийн энэ мэдэгдлээрээ одоогийн Засгийн газарт их бага хэмжээгээр хөдөлгөөн орно гэсэн дохиог нийгэмд өгч байна уу гэлтэй.

Тэдний хийсэн мэдэгдэлтэй зэрэгцэн МАН-тай нэгдсэн МАХН-ын дарга Н.Энхбаяр гурван яамыг авах тохироо хийсэн гэгдсэн. МАН одоо МАХН-д гурван сайдаа алдах уу? гэсэн бор шувуу нисч эхэллээ. Хэдий таамаг ч хэрэв энэ үнэн бол МАХН сүүлийн үед хамгийн их асуудалд өртөөд байгаа ЭМЯ, Эрчим хүчний яам болон УУХҮЯамыг авах магадлал өндөр байгаа юм. 

Үнэндээ одоогийн Засгийн газарт асуудалд ороогүй яам гэж байхгүй ч эрх баригчид хамгийн их чих халууцуулсан салбараас салах төлөвлөгөө зохиосон байхыг үгүйсгэхгүй. Ямартай ч УИХ-ын дарга нь ЗГХЭГ-ын даргатайгаа утга нэг мэдэгдэл хийсэн нь учиртай л байгаа.