Монгол Улсын Ерөнхийлөгч У.Хүрэлсүх Онцгой байдлын ерөнхий газарт ажиллаж байна.
Энэ үеэр МУ-ын Ерөнхийлөгч У.Хүрэлсүх: Мод тарьж, ой модны нөөцийг бүрдүүлэх нь тогтворто хөгжлийн суурь үзүүлэлт. Монгол хүн сайхан амьдаръя, хүчирхэг эдийн засагтай байя, ая тухтай сайхан амьдрах талаар бодож байгаа бол бид байгаль дэлхийгээ хайрлаж хамгаалах ёстой. Миний хувьд тэрбумаар тоологдох мод тарьж ургуулна гэсэн зорилт дэвшүүлсэн. Манай ард түмэн ярьдаг. Амьдралын эх ус, усны эх мод гэж. Манай газар нутгийн 76 хувь нь цөлжиж байна. Шар шороон шуурга, цөлжилт, бэлчээрийн доройтол бий болсон. Улсын эдийн засагтай байгаль орчин шууд хамааралтай. Мод тарих нийгмийн хөдөлгөөнийг доромжилсон, гутаасан, зохион байгуулж хийж байна. Энэ бол улс үндэстний эсрэг хийж байгаа ажиллагаа гэж ойлгож байгаа. Энэ асуудал дээр ОБЕГ-ын алба хаагчид анхаарч ажиллах ёстой. Мэдээж ой сүйтгэж болохгүй. Бид мод үрслүүлж байж тарих ёстой. Бүх ОБГ-ын байгууллагууд дэргэдээ үрсэлгээний аж ахуй байгуул гэдэг үүрэг өгсөн байгаа.
