Хятад улс нь хариуцлагатай их гүрний хувьд дэлхий нийтийн байгаль орчин, цаг уурын засаглалд ямагт идэвхтэй оролцсоор ирсэн билээ.

Хятадын Коммунист намын XIX сонгуулийн Төв хорооны  VI  бүгд хурал энэ арваннэгдүгээр сарын 8-11-ний өдрүүдэд Бээжин хотноо хуралдахад байгаль экологийг хамгаалах, даян дэлхийн сайн сайхны төлөө явуулах ажил үйлсээ улам урагшлуулах болно гэдгээ албан ёсоор мэдэгджээ. Энэхүү YI Бүгд хурлаар ХКН-ын 100 жилийн тэмцлийн томоохон ололт амжилт ба түүхэн туршлагын тухай ХКН-ын Төв хорооны тогтоол болон ХКН-ын XX Их хурлыг хуралдуулах тухай тогтоолыг баталсан байна.

Өдгөө дэлхийн байгалийн нөөцийн хязгаарлагдмал байдал газар авч, экосистемийн доройтол улам бүр хүндэрч байна.

БНХАУ нь байгаль орчныг хамгаалах, дэлхий нийтийн байгаль экологийг хамгаалах, дэлхий нийтийн сайн сайхны төлөөх экологийн соёл иргэншлийн бүтээн байгуулалт өрнүүлэх шаардлага дэлхий нийтэд тулгарсаныг онцолжээ.

БНХАУ нь ногоон, дахин боловсруулах, нүүрстөрөгч багатай хөгжлийг илүү ухамсартайгаар урагшлуулах, үйлдвэрлэлийн хөгжил, чинээлэг амьдрал, сайхан экологитой соёл иргэншлийн хөгжлийн замаар тууштай явах болно гэдгээ мэдэгдэж байгаа. БНХАУ-ын дарга Ши Жиньпин Уур амьсгалын өөрчлөлтийн асуудлаарх дэлхийн удирдагчдын дээд түвшний уулзалт дээр Хятад улс нүүрстөрөгчийн давхар ислийн ялгаралт 2030 он гэхэд дээд цэгтээ хүрч, 2060 гэхэд нүүрстөрөгчийн давхар ислийн илүү ялгаралтгүй орон болно гэх амлалтыг өгсөн. Энэ нь Хятад улсын их гүрний үүрэг хариуцлагыг идэвхтэй биелүүлэх, хүн төрөлхтний хувь заяаны хамтын нийгэмлэгийг байгуулах, тогтвортой хөгжлийг хэрэгжүүлэх зорилтттой холбогдож байгаа юм.

Хятадын талаас үзэхдээ “Хүн төрөлхтөн хувь заяа нэгдмэл байдаг. Тиймээс дэлхийн уур амьсгалын өөрчлөлт, байгаль орчны бохирдлын асуудалтай Олон улсын нийгэмлэг хамтран тэмцэх хэрэгтэй” гэж байна. Хятадын тал улс орнуудтай хамтын ажиллагаагаа нэмэгдүүлэн, гар гараасаа барилцан дэлхийн уур амьсгалын өөрчлөлттэй тэмцэж, эх дэлхийгээ хүчээ нэгтгэн хамгаалахад бэлэн байна гэдгээ мэдэгдсэн.

БНХАУ манай улстай хөрш орнуудын хувьд байгаль орчны асуудал дээр илүү нягт хамтран ажиллах хэрэгтэй гэж үзэж байгаагаа мэдэгджээ. Сая манай улсын Ерөнхийлөгч У.Хүрэлсүх  байгаль орчныг хамгаалах үүднээс 2030 он гэхэд “Тэрбум мод тарих” санаачилгыг гаргасныг Хятадын талаас сайшааж Монголын талтай цөлжилтөөс сэргийлэх, байгаль экологийг хамгаалах хамтын ажиллагаагаа илүү их нэмэгдүүлэн ажиллахад бэлэн байна гэдгээ мэдэгджээ.

БНХАУ нь экологийн нөхөн сэргээлт, ойн хамгаалал, байгаль экологийг хамгаалах тал дээр амжилттай туршлага ихтэй. Тиймээс Хятадын талаас цар тахал намжсаны дараагаар Хятад улсад ирж, харилцан туршлага солилцохыг урьж байна.

Б.САРУУЛ