“King&Spalding” компанийг Монголын нөлөө бүхий улстөрчид дээр хууль бус үйл ажиллагаа явуулж байсан. Энэ нь илэрч, тус компани нь буруудаж эхэлсэн талаарх мэдээллийг энэ сарын 20-ны өдөр “Reuters” гадны хэвлэл дээр онцлон мэдээлжээ.

“King & Spalding” хуулийн фирм нь 2020 оны арваннэгдүгээр сараас хойш нэр бүхий улстөрчийг гүтгэсэн гомдлыг хэд хэдэн орны шүүхэд гаргаж бараг хоёр жилийг зарцуулсан. Гэвч Гибсон Данн хэлэхдээ K&S хуулийн фирм нь хэзээ ч  Монголын төрийн байгууллагуудын нэрийн өмнөөс шүүхэд хандах эрхгүй байсан гэжээ.

Энэ нь Монгол Улсыг төлөөлөн гадаад улсын шүүхэд нэхэмжлэх эрх прокурорт болон  K&S олгогдоогүй байсныг батлан харуулж байгаа бөгөөд харин улс төрийн захиалгаар Монголын улстөрчийг гүтгэх үйл ажиллагааг гадны хуулийн фирм явуулсан нь өнөөдөр үнэнд гүйцэгдэн илчлэгдэж байгаа юм.

Дашрамд дурдахад “King & Spalding” хуулийн фирм өндөр төлбөртэйгээр үйлчилгээ үзүүлдэг бөгөөд Монголын талаас захиалагч нь асар өндөр төлбөрийг төлсөн гэх мэдээлэл хэвлэлээр цацагдаж байсан билээ.