Улаанбаатар хотын удирдлагуудад шийдвэрлэх ёстой, шийдвэл зохилтой олон ажил бий. Замын түгжрэл, авто зам, замбараагүй барилгажилтаас эхлээд хөрс, орчны бохирдол, ногоон байгууламж, сургууль цэцэрлэгийн хүртээмж гэх мэтээр олныг нэрлэж болно. Үе үеийн хотын удирдлагууд асуудлыг шийдвэрлэх тухай олонтоо ярьдаг ч биелэлээ олсон тун ч цөөн. Тиймээс л хотын даргаар ажиллаж байсан хүний нэр хүнд унаж, улстөрийн карьер нь дуусгавар болдог.

Одоо энэхүү газар нь 17 хүний бүрэлдэхүүнтэй бөгөөд хотын даргын хэлсэн ярьсан бүхнийг хэвлэл мэдээллийн хэрэгслүүдэд тарааж сууна. Товчхондоо Хотын дарга Д.Сумъяабазар энэхүү албыг  Нийслэлийн Сургалт судалгаа, олон нийттэй харилцах газрыг өөрийгөө РЕКЛАМДУУЛАХ гэж байгуулсан байна.

Тэгвэл энэ газрыг байгуулахдаа “мэдээлэл авах түгээхэд хамтран ажиллаха гэрээг холбогдох хууль, журмын дагуу мэргэжлийн байгууллагуудтай байгуулахад шаардагдах 1,000,000,000 (нэг тэрбум) төгрөгийг нийслэлийн төсөвт тусгасан мэдээлэл сурталчилгааны зардлаас гаргахыг...” тус газрын дарга Г.Хонгорзулд даалгажээ. Өөрөөр хэлбэл энэхүү Хотын дарга Д.Сумъяабазар өөрийгөө рекламдуулах ажилд нэг тэрбум төгрөг тусгасан гэсэн үг.

Дашрамд сонирхуулахад... Нийслэлийн Сургалт судалгаа, олон нийттэй харилцах газрын дарга Г.Хонгорзул нь өмнө Гадаадын иргэн харьяат, Шүүхийн Ерөнхий зөвлөл зэрэг байгууллагуудад хэвлэлийн төлөөлөгчөөр ажиллаж байсан юм байна.