Энэ Засгийн газраас хувийн хэвшил, ажил олгогч аж ахуй нэгжүүдийг бодитойгоор дэмжиж, чөлөөт өрсөлдөөнийг бий болгох, эдийн засгийн хөгжлийг тэлэх зорилготой ажиллахаар болж байна. Тухайлбал, энэ онд Засгийн газраас ажил олгогчийг дэмжих арга хэмжээнд 15 тэрбум төгрөг зарцуулахаар болсон байна. Тухайлбал, ажил олоход хүндрэлтэй иргэнийг эдийн засгийн тэргүүлэх салбарт, мөн орон нутаг, алслагдсан дүүрэгт байнгын ажилд авсан аж ахуй нэгжид цалингийн дэмжлэг 800 мянган төгрөгийг дөрвөн сарын хугацаанд сар бүр олгоно. Мөн Засгаас газраас Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийг батлуулахаар өргөн барьсан. Энэ хуулиар улстөрч, болон төрийн албан тушаалтан өөрийн эзэмшлийн компаниар төсвийн тендерт нөлөөлж оролцдог байдлыг таслан зогсоох, энэхүү орон зай хувийн хэвшлийнхэн олгож, чөлөөт өрсөлдөөнийг нээлттэй ил тод бий болгох зорилготой юм. Ийнхүү Ерөнхий сайд Л.Оюун-Эрдэнийн Засгийн газраас хувийн хэвшлийг дэмжих бүхий л боломжоор хангах бодлогыг хэрэгжүүлж байна.