Монгол Улсын консерваторийн Циркийн тэнхимийн багш, найруулагч Ю.Гэрэлбаатар 2022 оны тавдугаар сард өгсөн ярилцлагадаа “Хотын дарга Д.Сумъяабазарын санаачлагаар Улаанбаатар хот өөрийн гэсэн цирктэй болох гэж байна. Нийслэл хот гэхэд нийт 1.4 сая хүн амтай болж өргөжин тэлсэн. Тийм учраас хотын дүүрэг болгонд цирктэй байх боломж бий. Заавал улсдаа ганцхан цирктэй байх албагүй шүү дээ.

Тэгвэл иргэд маань циркийн урлагаа шимтэн үзэж, суралцах боломжтой болно” гэж мэдээлж байв. Өнөөдрийг болтол Нийслэлчүүд цирктэй болж чадаагүй хэвээр л байна. Хотын дарга асан Д.Сумъяабазарын төрсөн дүү АСА Д.Дагвадорж улсын циркийг 2005 онд хувьчилж аваад нураасан нь үнэн. Уг хувьчлалыг хуудуутай болсон талаар оролцогч аж ахуйн нэгжүүд ярьж байлаа. Өдгөө 18 жилийн туршид зориулалтаар нь ашиглаагүй байна.

Монголын ганц циркийг хувьчлал нэрээр засч сайжруулна гэчихээд алга болонгуут Монголын ард түмэн хариуцлага нэхээд эхлэхээр нь хотын даргаар ажиллаж байсан Д.Сумъяабазар бөх хүний мэх хэрэглэв үү гэлтэй цирк байгуулах санаачилгыг 2022 онд гаргасан аж. Ийнхүү ах дүү нар ард түмэнд молиго үмхүүлж, үндэсний урлаг цирк сүйрснээр дуусах нь ээ.