ОХУ-ын талаас “Эрдэнэт” үйлдвэрийн 49 хувийг Монголдоо авчирсан нь сайн зүйл боллоо гэж шаагилдацгааж байв. Тэгсэн 7 жилийн дараагаар шүүх хуулийн байгууллагаас ямарваа нэгэн шийдвэр гараагүй байхад “Эрдэнэт” үйлдвэрийн 49 хувийнхнийг сошиалд “яллачихав”. Өдгөө хулгай гэж яригдаад буй “Эрдэнэт”-ийн 49 хувь нь Эрдэнэт үйлдвэр 100 хувь Монголын өмч болж ирсэн нь ирээдүйд ирэх ашиг, орлого манай улсад маш хэрэгтэй зүйл болсон нь үнэн.   

Энэ том эрх ашгийг харсан учраас тухайн үеийн Ерөнхий сайд Ч.Сайханбилэгийн танхим хамтын шийдвэрээр тогтоол гаргаж, “Монголиан коппер корпрейшн” компанид 49 хувийг худалдаж авах эрхийг олгосон түүхтэй. Тиймээс 2016 онд Засгийн газарт ажиллаж байсан сайд, төрийн албан хаагчид монгол төрийн гаргасан бодлого шийдвэрийн дагуу хууль эрх зүйн хүрээнд ажлаа хийснийхээ төлөө шийдвэр гаргалцсан хэмээн өдгөө буруутгагдан шалгагдах болсон.

Ямартаа ч УИХ-ын сонгууль дөхөх үе болгонд эрх барьж нам МАН “Эрдэнэт”-ийн 49 хувийн асуудлыг “шоу” болгож улмаар АН-ынхныг харлуулдаг сэдвийн нэг болсон нь үнэн. Гэтэл саяхан нүүрсний сонсголын үеэр 5.2 сая тонн нүүрс буюу 5.5 тэрбум ам.долларыг улсын хилээр гаалийн бүрдүүлэлт хийлгүйгээр гаргасан хулгай баримттайгаар яригдав. Монголын өмч гадагшаа гарч, улсад 5.5 тэрбум ам.долларын хохирол учирсан гэсэн үг. Одоо энэ 5.5 тэрбум ам.долларын хохирлыг Монгол Улс олж авч чадах уу гэдэг нь асуудал мөн.

ОХУ-ын талаас “Эрдэнэт”-ийн 49 хувийг эх орондоо авчирлаа хэмээн буруутгаж сошиалд яллачихдаг бол манай улсаас алдагдсан 5.5 тэрбум ам.долларын нүүрсний хулгайчдыг яах вэ?