Оны өмнө нүүрсний сонсгол зохион байгуулагдсан.  Энэ үеэр нүүрстэй холбоотой олон асуудал яригдаж, олон ч хүн гэрчээр дуудагдсан. Нүүрс гэх сэдэв олны анхааралд орсонтой холбоотойгоор нүүрстэй зориуд холбох гэсэн гүтгэлэгт мэдээллүүд бас дундуур нь гарч байна. Нүүрсний ачилтын компанигүй, нүүрстэй огт холбогдолгүй улстөрчдийг хэн нэгэнтэй хамаатуулж,   зорилтот хар пиар ч явж байна. Нэгэн жишээ дурдахад, ҮСХ-ны дарга Б.Батдаваагийн эхнэр Ц.Амгалан гэх эмэгтэй нүүр ачилтын компанитай тухай мэдээлэл цацагдангуут улстөрч Сү.Батболдтой нааж харлуулах зорилтот хар пиар явав.

Хамаатан садан гэх зураглал нааж байгаад Сү.Батболдыг нүүрс ачсан мэтээр илэрхий гүтгэлгийн шинжтэй сошиал мэдээ цацжээ. Тусдаа амьдрал ахуйтай, хаа хамаагүй холын хамаатан садангуудын нэр усыг нааж ирээд л гэмт хэрэгт хүнийг гүтгээд байвал нутаг усаараа шахуу хамаатан болчихоо шахдаг монголчуудын ихэнх нь нүүрсчин болж ч мэдэхээр байна. Нүүрс ачдаг, жинхэнэ утгаараа нүүрсний хулгайтай холбогдсон хүмүүсээсээ илүү  огт хамааралгүй улстөрчдийн гүүрстэй холбон  зориуд наачихсан явж байгаа нь өнөөх л улс төрийн бохир тоглоомын нэг аж.

Улс төрийн өс хонзон гэх үү, хувь хүний хонзогнол гэх үү  явуургүй үйлдлээ  нүүрсний гэх хэргийн дуулианаар хэн нэгэн улстөрчийг “нүүрсчин” болгож  харлуулахын цаана улс төрийн ямар эрх ашиг байна вэ?