Шинэ оны босгон дээр Иргэний Зориг Ногоон намын дарга Батын Батбаатар гишүүд, дэмжигч, иргэдэд хандаж мэндчилгээ дэвшүүлжээ.

Энэ жил бол УИХ-ын сонгуулийн жил бөгөөд монголчууд 9 дахь парламентаа 126 гишүүнтэйгээр эмхлэн байгуулах юм. Энэ нь монголчуудын цаашдын хувь заяаг тодорхойлох нэн чухал сонгууль болох бөгөөд ИЗНН энэхүү сонгуульд идэвхтэй оролцож, ард түмний индэр, эерэг өөрчлөлтийн тайз байх болно гэдгийг тус намын дарга Б.Батбаатар мэдэгдлээ.

ИЗНН-ын дарга Б.Батбаатар хэлсэн үгэндээ... “Авлигатай тууштай тэмцэж, ард түмнээс хууль бусаар булаасан баялгийг авлигачдаас эргүүлэн авахын төлөө тууштай зогсож, “Эрх чөлөөний тухай” хуулийг санаачлан УИХ-аар батлуулан гаргаж, Монгол Улсын иргэн бүрийн эрх чөлөөг тунхаглан хамгаална” гэлээ.

    Ингэхдээ ард түмнийг эх орныхоо төлөөх сайн үйлсдээ нэгдэхийг нээлттэй урьсан бөгөөд ард түмэн нь нэгдэж, тэдний дуу хоолой эрх мэдлийн танхимд цуурайтсан Монгол Улсыг бий болгоно гэдгийг ИЗНН-ын дарга онцоллоо.

Ерөнхийдөө улс эх орны төлөө гэсэн хүмүүсийг ИЗНН эгнээндээ нэгтэхийг зорьж байгаагаа илэрхийлсэн. Ингэж шударга ёсны дуу хоолой, ард түмний эгнээндээ нэгтгэж чадвал хяналтаа алдсан эрх баригдыг сөрөх хамгийн сайн сөрөг хүчин болж ажиллах юм байна.