УИХ-ын чуулганы 2023 оны 01 дүгээр сарын 11-ний өдрийн нэгдсэн хуралдааны үеэр УИХ-ын гишүүн Т.Доржханд "Ерөнхийлөгчийн тухай хууль хэрэгтэй юм байна. Төрийн ордонд Х.Баттулга өнөөдөр орж ирлээ. Хоёр удаа нүүрсний сонсголоос зугтсан байдаг. Нэг жилийн өмнө нүүрсний сонсголоор бие өвдлөө гээд явчихсан байдаг. Сая нүүрсний сонсголоор ирээгүй. Шалтаан байхгүй. Тэгсэн мөртлөө иргэдэд хайртай баатрын дүрээр гэнэт гарч ирээд  газар шороо эзлэгдлээ гэх шал өр зүйл ярьж иргэдийн тархи угаалт хийж байна. Энэ бол монголчуудыг хагалган бутаргаж байна. Худлаа мэдээлэл тарааж байна. Үүнийг хэрхэвч хүлээн зөвшөөрч болохгүй. Монгол Улсын Ерөнхийлөгч бол эв нэгдлийг илэрхийлэгч албан тушаалтан. Энэ хүн ажлаа өгсөн ч гэсэн Монгол Улсын төрийн тэргүүн, Ерөнхийлөгчөө гэж хүндэтгэдэг. Өнөөдөр Монгол Улсын Ерөнхийлөгч нар УИХ-ын дарга дээр намын нөхдүүдээ дагуулж орж ирээд уулзаж байгаа юм байна уу. Бусад Ерөнхийлөгч байсан П.Очирбат, Н.Багабанди, Н.Энхбаяр. Ц.Элбэгдорж нар уулзаж байна уу, үгүй биз дээ. Ерөнхийлөгчийн тухай хуулийг зохицуулах хэрэгтэй юм байна гэв.

Уг чуулганы хуралдаанаар УИХ-ын гишүүн Ч.Хүрэлбаатарын өргөн мэдүүлсэн Хөрөнгө оруулалтын тухай хуулийг хэлэлцэх эсэх асуудлыг хэлэлцсэн ч УИх дахь АН-ын бүлгээс 3 хоногийн завсарлага авсан юм.