Манай улс төрд гадны хэвлэлд төлбөртэй мэдээлэл гаргуулчихаад дараа нь Монголд үнэн бодит мэтээр сошиалд сэвж шуугиулдаг хар технологи хэрэгждэг болсон. Цагийн цагт нэг дайсан тодруулж байдаг. Тэрийг нь тойрч их, багагүй муулж таашаал авцгаана. Хэсэг хугацааны дараа тэр дайрлага, гүтгэлгэд өртсөн хүн буруугүй нь тодроод ирдэг.

Иймэрхүү байдлаар гадны хэвлэлд төлбөр төлж гүтгэлэг гаргуулчихаад Монголд үнэн мэтээр сэвдэг хар технологийг монголчууд хэдийнээ андахаа байж энэхүү мэдээлэлд нь итгэхээ ч байсан.

Нэмж хэлэхэд гадны шүүхэд хэн нэгэнд төлбөр төлж гомдол гаргуулахаар гомдлыг мэдээж шүүх хэлэлцэж таараа. Шүүхэд ирсэн гомдол болон шүүх хэлэлцэх процессыг хэвлэлүүд мэдээлэх нь тодорхой. Мэдээж зарим хэвлэлд зориуд ч гаргуулдаг.  Ингээд үүнийгээ Монголын хэвлэлд түгээхдээ нэг их буруутан олж чадсан аятай олон нийтэд түгээнэ. Ингэж л технологи хэрэгждэг. Энэ арга нь амжилттай болохоор олонтаа давтаж байна. Мэргэн уншигчид иймэрхүү зорилготой, хэн нэгний нэр төрд халдсан мэдээлэлд шүүлтүүртэй ханддаг болсныг дээр өгүүлсэн. Ер нь тэгээд Монголын улс төр ямар гээч бохир заваан болсон болоод дотоодоосоо хальж, нэг хүнийг үзэн ядаж, тэрийгээ хэрэгжүүлэх гэж гадаад хүнд мөнгө төлбөр өгч, шүүхэд хандуулаад тэрийгээ мэдээлүүлээд байж байх вэ дээ. Энэ технологийг хэдэн жилийн өмнө баримттай нь хэвлэлүүд мэдээлж байсан билээ.