“Монсудар”-ын захирал Р.Энхбат хэвлэлд нээлттэй, ярилцлагын саналаас татгалздаггүй нэгэн. Тэр 2020 онд тендер хамдаг улстөрчдийн талаар  ярьж байж.Сүүлийн үед тендер хамдгаараа хэвлэлийнхний шүүмжлэлийн бай болоод байгаа Гадаад харилцааны сайд Б.Батцэцэгийн тухай ч ярилцлагадаа онцолж байжээ.

Тэрээр 2020 оны сонгуулийн өмнөхөн “Уг нь бид бизнес хийж байгаа ухаантай хүмүүс юм бол өдийд, сонгуулийн өмнө хэвлэж барих юмтай сууж байна биз дээ. Юм алга. 500 хүн дэвшиж байгаа юм уу, 5000 хүн дэвшиж байгаа юм уу, мэдэхгүй.  Эдний сурталчилгааны материалыг зүгээр очерлуулж байгаад л нэг хэвлэлийн үйлдвэрт хэвлүүлдэг. Уг нь бид хамгийн сайн хэвлэдэг компани. Гэтэл ажилгүй сууж байна гэхээр, юуг харуулж байна вэ. Сонгуулийн үеэр сурталчилгааны материалаар ашиг олох боломж байдаг бол түүнийг МАН, АН-ынхан өөрсдөө эзлээд авчхаж байна. “Манайд хэвлүүлээч” гэхээр “Яршиг, яршиг. Сүүлд нь новширцгоогоод байдаг юм” гэдэг. Нэг хэсэг нь “Соёмбо” дээр, нөгөө хэсэг нь, “Мөнхийн үсэг” дээр. Ямар юмны чинь өрсөлдөөн, ямар юмны чинь шударга ёс. Би зөвхөн хэвлэх үйлдвэрийн хүрээнд л ярьж байна шүү дээ. “Мөнхийн үсэг” гэж байна. ГХЯ-ны дэд сайд Б.Батцэцэгийнх. Дуртай ажлаа хийнэ. Тэнд очъё гэвэл тэнд очно, энд очъё гэвэл энд очно. Яамдаас эхлээд Сонгуулийн ерөнхий хороог хүртэл базчихсан” хэмээн шүүжилж байсныг хэвлэлийн хуудаснаас харчихаж болж байна.

Эндээс харахад аль таван жилийн өмнөөс л тендер хамдгаараа алдартай байсан Гадаад харилцааны сайд өнөөдөр ч компаниудаа тендерт ялуулсан шиг улстөрд “даналзаж” байна.