Их Британийн Засгийн газар Европын холбооноос гарахад бэлтгэж нийтдээ 6.3 тэрбум фунт стерлинг төлөвлөснийхөө 4.4 тэрбумыг нь зарцуулсан байна гэж тус улсын Үндэсний статистикийн газар мэдээлснийг Би-би-си агентлаг дамжуулсан байна. Энд мэдээлснээр бол зөвхөн ажилтнуудын цалин хөлсөнд 1.9 тэрбум фунт стерлинг зарцуулжээ. Их Британийг Европын холбооноос гарах ажлыг зохион байгуулах ажилтан ажилчдын тоог 2019 оны аравдугаар сард хамгийн их буюу 22 мянган хүнээр тооцсон юм байна. Цалин хөлснөөс гадна өөр нэг томоохон зардал бол сурталчилгаа, шинжээч мэргэжилтнүүдийн зөвлөгөө, шинэ бүтэц байгуулах, Засгийн газрын “Brexi-д бэлтгэх” компани зэрэгт 46 сая фунт зарцуулсан гэнэ.
Хэвлэлд мэдээлснээс үзэхэд энэ бүхний дүнд Европын холбооноос гарах бэлтгэлийг сайн хангасан гэжээ. Засгийн газрын мэдээлэлд бас алдагдалгүй өнгөрсөнгүй 92 сая фунтын илүү зардал гарсан гэнэ. Энэ нь Европын холбооноос хэлэлцээргүй гарах тохиолдолд учирч болох эрсдэлийн талаар Eurotunnel компани шүүхэд заргалдсанаар нөхцөл байдлыг тогтворжуулахаар 33 сая фунт төлсөн байх жишээний. Европын холбооноос гарах талаар засгийн газар байж болох хэд хэдэн хувилбар төлөвлөгөөтэй байсан гэж Үндэсний статистикийн газрын тэргүүн Гарета Дэвис хэлсэн байна. Их Британи гурван жил хэлэлцээр хийсний үр дүнд энэ 2020 оны нэгдүгээр сарын 1-нээс Европын холбооноос албан ёсоор гарч байгаа юм. Брюссель, Лондонгийн тохиролцсоноор бол холбооноос гарах шилжилтийн үе 2020 он дуустал үргэлжилж, Нэгдсэн хаант улс Европын хэм хэмжээнээс бүрэн тусгаар болох юм.

эх сурвалж :"Ардчилал таймс сонин"