Йеменд болж байгаа зэвсэгт мөргөлдөөний үеэр хүний эрх, эрх чөлөөг зөрчиж, байгаа сэжигтнүүдийн нэрсийг НҮБ-ын шинжээчид гаргаж өгсөн гэж тус байгууллагын Хүний эрхийн асуудлаарх дээд комиссар Мишель Бачелет мягмар гарагт Женевт нийтэлсэн шинжээчдийн илтгэлийн тухайд мэдэгджээ.
Энд “Йемений засгийн газрын болон Саудын Араб, Арабын нэгдсэн Эмиратын эвслийн тодорхой хүмүүс урьдчилан мэдээлэх, оновчтой байх зарчмуудыг зөрчин агаараас цохилт өгч байгаа нь цэргийн гэмт хэрэг байж болох байна” гэж тэмдэглэсэн байна. Яг ийм байдлаар байлдагч талууд Йемений засгийн газрын хянадаггүй районуудад иргэний байгууламж, энгийн иргэд рүү шууд дайрч, дайных шиг өлсгөлөнгийн арга хэрэглэж байна гэж энд бас дурджээ. Өөр бас дайтагч талуудын тодорхой төлөөлөгчид энд аллага, эрүүдэн шүүх, хүчирхийлэх зэрэг гэмт хэрэг үйлдэж байна гэсэн байна.

Шинжээчид бас сөргөлдөгч талуудад Франц, Иран, Их Британи, Умард Ирланд, АНУ зэрэг улсууд нөлөөлөн дэмжлэг үзүүлж байна гэж онцолсон байна. Илтгэлд энэ талаар энэ улс орнууд олон улсын эрхийг зөрчихөд нь дэмжиж тусламж үзүүлж байгаагаараа хариуцлага хүлээж болох юм” гэжээ. “Франц, Их Британи, АНУ болон бусад орнуудаас зэвсэг нийлүүлж байгаа нь асуулт хэвээр үлдэж байна” гэж илтгэл бичигчид тэмдэглэсэн байна.
Итгэлд шинжээчид Йеменд болж байгаа үйл явдлын гол этгээдүүдийн нэрсийг шинэчлэн гаргаснаа нэрлэсэн байна. Энд Йемений Ерөнхийлөгчөөс эхлээд албаны бусад удирдлагууд, Саудын Арабын Батлан хамгаалахын сайд, эдний болоод Арабын нэгдсэн Эмиратын цэргийнхэн, хуситын “Ансар Аллах” хөдөлгөөний улс төрийн болон цэргийн удирдлагууд гээд нийт 164 хүний нэрийг жагсаажээ.
Илтгэлд дурдсанаар Йеменд 2015 оны гуравдугаар сараас эхэлсэн зэвсэгт мөргөлдөөний улмаас энгийн номхон 7292 хүн амь үрэгдсэн бол 11630 хүн шархдаж гэмтсэн юм. Амь үрэгдэгсдийн дунд 1959 хүүхэд, 880 эмэгтэй байна.