Дорнод Европыг фашизмаас чөлөөлсний 75 жилийн ойд зориулсан арга хэмжээ Болгарын нийслэл Софи дахь оросын соёлын төвд болох үзэсгэлэнгийн тухайд тэнд суугаа ОХУ-ын Элчин сайдын яам “Энэ бол Болгарын дотоод улс төрийн нөхцөл байдалтай огт холбоогүй арга хэмжээ “ хэмээн мэдэгдсэн байна. “Эл үзэсгэлэн бол ард түмэн, олон нийтэд оросын сан хөмрөгт байгаа архивын материалуудыг танилцуулах зорилготой” гэжээ.
Энд байгаа олон баримт өмнө нь ил тод болоогүй, саяхан нууцаас гаргасан, хамгийн гол нь фашизмын хар тахлаас хүн төрөлхтнийг аврахад Улаан арми шийдвэрлэх үүрэг гүйцэтгэснийг илтгэх баримтууд байгаа юм хэмээн ЭСЯ-ны албан фейсбүүкт дурджээ.

Есдүгээр сарын 9-нд Софи дахь оросын соёлын төвд нээх үзэсгэлэнг Болгарын гадаад хэргийн яам үүний өмнө энэ бол тус улсын дотоод хэрэгт хөндлөнгөөс оролцож байгаа хэрэг хэмээн мэдэгдсэн юм. Үүний зэрэгцээ Болгарын Гадаад хэргийн яам Зөвлөлт холбоот улсын тэмцлийг Дорнод Европыг нацизмаас чөлөөлөхийн төлөө тэмцэл гэж үзэхгүй гэсэн байна.
Дэлхийн хоёрдугаар дайнд ЗХУ-ын гүйцэтгэсэн үүргийг барууны зарим удирдагч ийн дутуу үнэлсээр байгаа юм. Британийн Ерөнхий сайд Борис Жонсон “Польш улс 1939 онд фашист болон коммунист лантууны дунд үрэгдсэн” гэж мэдэгдсэн юм.
Үүний хариуд их Британид суугаа оросын ЭСЯ “харин ч Британийн дипломатууд дайны өмнөхөн “нацистуудын булаан эзлэх бодлогыг хөхүүлэн дэмжиж байсан” гитлерийн эсрэг холбоо байгуулах, ялангуяа Польшийг хамгаалах ЗХУ-ын санаачилгыг удаа дараа няцааж байсан гэж мэдэгдсэн юм.