Хятадын “Чанъе-4” хөтөлбөрийн нэг хэсэг сарнаа явагч “Юйту-2” сарны нөгөө талын нэг их том биш шинэхэн тогооноос эргэн тойрныхоо биет зүйлсээс огт өөр өнгөтэй зүйл олж илрүүлсэн байна хэмээн Space.com хэвлэлд бичсэн байна. Хятадын сансран агентлаг үүнийг “Гялтганасан нууцлаг гель” хэмээн нэрийджээ.
Одоо эрдэмтэд сарнаа явагчийн ээлжит амралтынхаа өмнөхөн олж илрүүлсэн энэ сонин материал чухам юу болохыг тайлахаар бүхий л хүчээ дайчлан ажиллаж байгаа гэнэ. Сарнаа явагч ч энэ сонин олдвороо хэт халуун болон, нарны цацрагаас хамгаалж байгаа юм байна.
Багийнхан бас үүнийг олсон тэр тогоо нь өнгөөрөө сарны гадаргуугаас ялгаатайг тэмдэглэж байна. Эрдэмтэд үүнээс болоод сарнаа явагчийн баруун зүгт явах байсан эхний төлөвлөгөөнөөс татгалзаж, тэр сонин материалыг шалгаж нягтлах үүрэг өгсөн байна. Улмаар сарнаа явагч сарны тогоо руу аажмаар ойртон хэт ягаан туяаны спектрометрийн тусламжтайгаар өнөөх материалыг судалж байгаа юм байна. Өнөө болтол эрдэмтэд байгаль дээр ийм сонин биет үзээгүйгээ дурдаад үүнийг “Гель маягийн”, “ер бусын өнгөтэй” гэж байна.