Америк, хятадын таван мянган жуулчныг суулгасан аяллын “Spectrum of the Seas” хөлөг Оросын Алс Дорнодын нийслэл Владивосток хотын боомтод хүрэлцэн ирлээ хэмээн РИА “Восток-Медиа” агентлаг мэдээллээ. “Ийм аварга том хөлөг онгоц үүнээс өмнө Оросын аль ч боомтод хүрч ирж байгаагүй” хэмээн агентлагийн мэдээнд онцолжээ. Ийм ч болохоор энэ хөлгийг хүлээн авахын тулд Приморийн хязгаарын аялал жуулчлалын салбар, усан боомтынхон багагүй бэлтгэл хангасан байна.
“Royal Caribbean International” компанийн энэ оны дөрөвдүгээр сард ашиглалтад оруулсан 347 метр урт, 41 метр өргөнтэй аялал жуулчлалын тансаг энэ хөлөг таван мянган зорчигч тээвэрлэдэг бол хөлгийн баг нь 1550 гишүүнтэй юм байна.