Их Британийн хууль тогтоох байгууллага парламент ээлжит бус сонгууль явуулах саналыг дэмжээгүй тул аравдугаар сарын 14 хүртэл ажлаа зогсоолоо гэж нийтийн танхим Twitter хуудсаараа дамжуулан мэдэгджээ. Мэдээлэлд “Парламент ажлаа зогсоолоо, дараагийн удаа нийтийн танхим 2019 оны аравдугаар сарын 14-нд хуралдах болно” гэсэн байна.
Нийтийн танхим үүний өмнө Ерөнхий сайд Борис Жонсоны ээлжит бус сонгууль явуулах саналыг хүлээн аваагүй юм. Тэгэхэд Ерөнхий сайдыг 223 депутат дэмжсэн байна. Гэтэл Ерөнхий сайдын саналыг хүлээн авч ээлжит бус сонгууль явуулахад парламентын 434 санал буюу нийт гишүүдийн гуравны хоёрын санал хэрэгтэй байсан юм.

Ерөнхий сайд Борис Жонсон болохоор парламентын үйл ажиллагааг ийнхүү зогсоож байгаа нь сөрөг хүчнийхэнд бодох хугацаа өгч байгаа хэрэг гэдгээ илэрхийлжээ. Түүнийхээр бол энэ хугацаанд Засгийн газар Европын холбооноос ямар ч хэлэлцээргүйгээр гарах асуудлаар яриа хэлэлцээ хийж байх юм байна.
Парламент Brexit-ийн талаар хэлэлцээр хийхгүй гэж үзвэл улс орноо Европын холбооноос гарах хуулийн төслийг батлаад байгаа юм. Энэ хууль есдүгээр сарын 9-нөөс хүчин төгөлдөр болж байгаа юм.
Их Британи улс Европын холбооноос гарахаа энэ оны гуравдугаар сар гэж төлөвлөж байсан ч эцэст нь аравдугаар сар болгон сунгасан юм. Саяхан соногогдсон Ерөнхий сайд Борис Жонсон болохоор ямар ч байсан аравдугаар сарын 31 гэхэд Европын холбооноос гарна гэж мэдээгдээд байгаа юм.