Болгарын Үндэсний “Русофилов” хөдөлгөөний нарийн бичгийн дарга, “Дума” сонины ерөнхий редактор Юрий Борисовыг тагнуулын хэрэгт сэжиглэн тус улсын цагдаагийн газар  өнгөрсөн даваа гарагт саатуулан баривчилсан байна.
“Ю.Борисовыг саатуулан мөрдөн шалгаж эхлээд байна. Ийм ажиллагаа явуулсан нь ямар нэг үндэслэл шалтгаантай” гэж Болгарын Дотоод хэргийн сайд Младен Маринов үндэсний телевизэд ярилцлага өгөхдөө мэдэгджээ. Энэ талаарх мэдээлэл мөрдөн байцаалтын нууц гээд сайд хэргийн талаарх дэлгэрэнгүй мэдээллийг тусгай прокурорын газраас өгнө гэсэн байна.
Сэжигтний гэрийг нэгжиж компьютер, баримт бичгүүд хураан авсан гэж “Дума” сонин мэдээлжээ. Нэгжлэг хийх тогтоолд түүнийг Эрүүгийн хуулийн 105 дугаар зүйл болох гадаад орон болон гадаадын байгууллагад ашигтайгаар тагнуулын үйл ажиллагаа явуулсан гэсэн зүйлээр эрүүгийн хэрэг үүсгэсэн гэсэн нь 5-10 жилийн хорих ялаар шийтгэх зүйл анги юм байна.