Тойрог зам дахь өөрийн сансрын станцаа бусад орны сансрын нисэгчид, эрдэмтдэд нээлттэй байлгана гэж БНХАУ-ын Шинжлэх ухааны академийн ерөнхийлөгч Бай Чуньлин мэдэгдсэн байнаа. Тэрээр “Манай үндэсний сансрын станц бүгдэд нээлттэй. Бид гадаад орны эрдэмтдийг хүлээн авч манай станцад ажиллахыг урьж байна. Энд ямар  асуудал гарахгүй. Урьд нь америкчууд хятадын сансрын нисэгчдийг сансрын станцдаа оруулахгүй байсан ч гэсэн бид бол бүгдэд нээлттэй байна“ гэж Чуньлины хэлснийг РИА Новости агентлаг иш татжээ. Хятадын энэ станцад гурван хүний бүрэлдхүүнтэй баг ажиллах боломжтой юм байна.
Чуньлины хэлж байгаагаар бол Хятад 2020 оны эх гэхэд  тойрог замд өөрийн сансрын станцаа гаргах юм байна. 2020 онд хөөргөх “Тяньхэ” станцад 2023 он гэхэд лабораторын “Вэньтянь”, Мэнтянь” хэсгийг нэгтгэснээр энэ станц 60 тонн жинтэйгээр 10 жил тойрог замд ажиллах гэнэ.