Венесуэлийн сөрөг хүчин олонх парламент Америкийн улс орнуудын байгууллагын байнгын зөвлөлд Америк дундын харилцан туслах гэрээний дагуу Венесуэльд цэргийн хүч ашиглах боломжийг судалж үзэхийг хүссэн байна. Испаний АВС хэвлэлд бичсэнээр бол захидлыг Венесуэлийн сөрөг хүчний түнш Бразил, Колумба улсуудад илгээжээ. Үүний дараа Америкийн улс орнуудын байгууллагын сайд нар энэ хүсэлтийг хэлэлцээд энэ сарын сүүлчээр НҮБ-ын Ерөнхий ассамблейн хуралдаанд оруулж хэлэлцүүлж магадгүй байна.
Венесуэль хэдийнээ цэргийн түрэмгийлэлд өртөөд байгаа болохоор өөрийгөө хамгаалахыг хүсч байна гэж Америкийн улс орнуудын байгууллагад суугаа Венесуэлийн элчин сайд Густаво Тарре сэтгүүлчдэд мэдэгдсэн байна.

Колумбын зүгээс цэргийн түрэмгийлэл үйлдэж байгаа учраас Үндэсний аюулгүй байдлын зөвлөл хуралдуулж, хөрш улсынхаа хил орчимд өргөн хүрээний цэргийн сургууль хийхээ Венесуэлийн ерөнхийлөгч Николас Мадуро  есдүгээр сарын 10-нд зарласан.
Колумб улс энэ оны нэгдүгээр сард өөрийгөө улсын түр цагийн ерөнхийлөгч хэмээн зарласан сөрөг хүчний удирдагч Хуан Гуайдог дэмжиж эхэлсэн. АНУ болон Европын хэд хэдэн орон Хуан Гуайдог бас дэмжиж байгаа юм. Барууны орнууд Гауйдог мэдээллийн хэрэгслээр дэмжиж “Мадурогийн алт”-ыг Мадурог хамгаалах гэж Каракаст Оросын онгоц авч гарлаа гэсэн мэдээлэл түгээсээр байгаа юм. Энэ худал мэдээллийг ОХУ-ын засгийн газар, Венесуэлийн эрх баригчид албан ёсоор няцаасаар байгаа ч тэр хэвлэлүүд дахин дахин түгээсээр байна.