Амар мөрний усны төвшин Комсомольск-на-Амуре хотын ойролцоо эрс дээшилж есдүгээр сарын 12-ны өглөөний байдлаар 829 см болоод байна гэж ОХУ-ын Алс Дорнодын Онцгой байдлын газар мэдээлсэн байна. “Линлин” хар салхины нөлөө, Амар мөрний ус дээшилсэн зэргийн улмаас Комсомольск-на-Амур хотод орон сууцны 454 байшин, Малая Хапсоль, Мылки, Силинский, Хорпинский, Парковый, Менделеева, Победа районы 947 нэгж усанд автаад байна гэснийг ИА AmurMedia хэвлэл дамжууллаа. Хабаровск, Комсомольск-на-Амур хотуудад усан бороог зогсоох арга хэмжээнд зориулж нэмэлт тоног төхөөрөмж хүргэх ажил хийж байгаа юм байна. Хар салхины үр дагаврыг арилгахаар гудамж талбайг цэвэрлэх, ус зайлуулах насос нэмэх зэрэг арга хэмжээ авч эхэлжээ. Хотын орон сууцны алба, ус сувгийн газар  бөглөрсөн ус зайлуулах хоолойнуудыг цэвэрлэх ажлыг хийж байна. Усанд автсан районуудын иргэдэд хаягаар үйлчилж туслах ажлыг бүтэн хоногоор тасралтгүй хийж байна хэмээн мэдээлэлд дурджээ.