Япон тэнгис дэх Оросын эдийн засгийн бүс болох Кито-Яматогийн сав газарт орж ирсэн гадаадын хулгайн анчдыг саатуулах үеэр Оросын гурван хилчин шархадлаа гэж ОХУ-ын Холбооны Аюулгүйн албаны олон нийттэй харилцах төвөөс мэдээлсэн байна. Оросын хилчид хууль бусаар загас агнаж явсан Умард Солонгосын хоёр хөлөг илрүүлсний 21 хүнтэй нэгийг нь саатуулах үеэр хоёр дахь хөлгөөс нь хилчид рүү гал нээсэн байна. Гал нээж эсэргүүцэл үзүүлсэн хөлөг онгоцонд урьдчилсан таамгаар 45 хүн байсан бололтой. Оросын усан хилийн ойролцоогоос хулгайгаар загас олборлох явдал үргэлжилсээр байгаагийн нэг нь энэ. 2018 онд эргийн хамгаалалтынхан 8000 орчим зөрчил илрүүлж, Оросын болон гадаадын 39 хөлгийг саатуулан, бага оврын 1037 хөлөг завь илрүүлж тэдний 27-г нь хураасан юм. Холбооны аюулгүй албаныхан гадаад орны далбаатай, оросын багтай хулгайн хөлөг эрс цөөрсөн гэж мэдээлж байна.