НАТО цэргийн хувьд Оросоос тэргүүлдэг байр сууриа алдаж байна гэж АНУ-ын Штабын дарга нарын нэгдсэн хорооны төлөөлөгч генерал Жозеф Данфорд итгэлтэй мэдэгдэж байна. Түүнийхээр бол өнөөдөр бий болоод байгаа төвөгтэй нөхцөл байдлын үед НАТО-гийн зүгээс Москвад шахалт үзүүлэх стратегиа эргэн харах болсон гэнэ.
“Орос бол өрсөлдөгч, гэтэл НАТО-гийн Москвагаас илүү байсан давуу тал буурч байна. Тэгэхээр бид НАТО-гийн дотоодод хүч болон хэрэгслээ илүү боловсронгуй болгохын төлөө хамтын хүчин чармайлтаар, дэс дараатай арга хэмжээ авах хэрэгтэй” гэж генерал Словенид болсон энэ эвслийн цэргийн хорооны хуралдааны үр дүнгийн талаар мэдээлэх үеэрээ мэдэгдсэн байна.
Энэ уулзалтаар НАТО-гийн тавдугаар сард явуулах цэргийн шинэ стратегийг хэлэлцсэн гэж Newsweek хэвлэлд бичжээ.

Орос, Хятадын хүч өсөн нэмэгдэж байгаагийн хэрээр АНУ-ын, Умард Атлантын эвсэл НАТО-гийн дэлхий дахины “илт давуу байдал” төгсгөл рүүгээ ойртож байгаа гэж энд өгүүлсэн байна.
Генерал Данфорд НАТО-гийн хувьд хамгийн ноцтой аюул бол Москва гээд тэд өөрсдийнхөө эрх ашгийг хамгаалахын тулд хэзээ ч зэвсэгт хүчин ашиглахад бэлэн байгаа гэсэн байна.