АНУ-ын Ерөнхийлөгч Дональд Трамп Ойрхи Дорнод руу нэмэлт цэргийн хүч илгээхийг зөвшөөрчээ. Пентагоны мэдээлснээр Америкийн цэргүүд Саудын Араб болон Арабын Нэгдсэн Эмирт улс дахь агаараас эсэргүүцэн хамгаалах цогцолборын хүчин чадлыг нэмэгдүүлэхэд хувь нэмрээ оруулна. АНУ-ын Батлан хамгаалахын сайд Марк Эспер хэлэхдээ Саудын Араб, АНЭУ-аас ирүүлсэн хүсэлтийн хариуд дээрх шийдвэрийг гаргасан гэнэ. Ойрхи Дорнод дахь Америкийн цэргийн хүчийг зузаатгах болсон гол шалтгаан саяхан Саудын Арабын нефтийн үйлдвэр рүү хийсэн халдлага аж. Пентагоны төлөөлөгч Жозеф Данфорд яг хэдэн цэрэг Ойрхи Дорнод руу илгээснийг тодорхой хэлсэнгүй. Тэрбээр “Батлан хамгаалах яамнаас дараагийн долоо хоногт тодорхой мэдээллийг өгнө” гэж мэдэгдсэн байна.

Долоо хоногийн өмнө Саудын Арабын зүүн талд оршдог “Saudi Aramco” компанийн газрын тосны үйлдвэрүүдэд дрон ашиглан агаараас дайралт хийснээс болж тус улсын нефтийн үйлдвэрлэл хоёр дахин хорогдсон билээ. АНУ-ын Төрийн нарийн бичгийн дарга Майк Помпео халдлагыг “Дайны ажиллагаа” хэмээн үнэлэх хэрэгтэй гэв. Вашингтон болон Эр-Рияд халдлагыг Ираны тал хийсэн хэмээн мэдэгдсэн.
Саудын Аpабын нефтийн хоёр үйлдвэрт болсон халдлагын хаpиуцлагыг Йемений хусит босогчид хүлээсэн боловч АНУ, Саудын Аpабын эpх баpигчид Иpаныг буpуутгаж тус улсын төв банкинд эдийн засгийн хориг тавиад байгаа юм. АНУ-ын Конгрессын зарим гишүүд Иранд зэвсгийн цохилт өгөх санал хүртэл гаргасан.

Шинжээчдийн үзэж буйгаар Д.Трампын засаг захиргаа Ойрхи Дорнод руу цэргийн нэмэлт хүч илгээх шийдвэр гаргасан нь Вашингтон Иранд ямар нэгэн цохилт өгөх эцсийн шийд гараагүйг нотолж байна гэнэ. Батлан хамгаалахын сайд Маpк Эспеp халдлагын талаар сэтгүүлчдэд мэдээлэхдээ, Иpаны түpэмгийлэл улам газаp авж байна хэмээгээд, бид Саудын Аpабын хамгаалалтын дэд бүтцийг сайжpуулахад туслалцаа үзүүлэхэд голчлон анхааpч байна гэж хэлсэн байна. Еpөнхийлөгчийн өмнө нь хэлсэнчлэн бидэнд Иpантай зөpчилдөх эpмэлзэл байхгүй хэмээн М.Эспеp онцлоод, шааpдлагатай тохиолдолд илүү олон цэpгийн ажиллагаа явуулах боломжтой гэж нэмж хэлжээ.