Испанийн “Барселона” болон Аргентины шигшээ багийн довтлогч Лионель Месси дэлхийн шилдэг хөлбөмбөгчнөөр тодорчээ. ФИФА буюу Олон улсын хөлбөмбөгийн холбооны шагнал гардуулах ёслол уржигдар орой Италийн Милан хотын “Ла Скала” театрт боллоо. Оны шилдэг хөлбөмбөгчний шагналын төрөлд Л.Месситэй Английн “Ливерпүүл” багийн Виржил ван Дейк, Италийн “Ювентус”-ын Криштиану Роналду нар өрсөлдсөн байна. Лионель Месси өнгөрсөн улиралд “Барселона” багт 50 тоглолтод 51 гоол оруулсан аж.

2019 оны шилдгүүдээр тодорсон тоглогчид:

Шилдэг эрэгтэй тоглогч: Л.Месси
Шилдэг эмэгтэй тоглогч: Меган Рапино (АНУ-ын шигшээ баг болон Америкийн Сеатл Рейн клубын тоглогч)
Шилдэг эрэгтэй хаалгач: А.Бекер (Бразилын шигшээ баг болон Ливерпүүл клуб)
Шилдэг эмэгтэй хаалгач: ван Вейнендал (Нидерландын шигшээ баг болон Арсенал)
Пушкаш цом: Даниел Зсори (Унгарын Види клуб)
Шилдэг эрэгтэй багийн дасгалжуулагч: Ю.Клопп (Ливерпүүл клуб)
Шилдэг эмэгтэй багийн дасгалжуулагч: Ж.Эллис (АНУ-ын шигшээ баг)
Бэлгэдлийн шигшээ баг: хаалгач А.Бекер (Ливерпүүл), хамгаалагч де Лигт (Ювентус), С.Рамос (Реал Мадрид), ван Дейк (Ливерпүүл), Марсело (Реал Мадрид), хагас хамгаалагч Л.Модрич (Реал Мадрид), де Йонг (Барселона), Э.Азар (Реал Мадрид), довтлогч К.Роналдо (Ювентус), К.Мбаппе (ПСЖ), Л.Месси (Барселона)