БНХАУ байгуулагдсаны түүхт 750 жилийн ойн өмнө есдүгээр сарын 30-нд нээхээр төлөвлөж байсан Дасины олон улсын нисэх буудлыг анхны онгоц хөөрсөн 25-ны өдөр БНХАУ-ын дарга Си Зинпинь албан ёсоор нээснийг мэдэгдсэн байна. 

“China Daily” сонины мэдээлснээр бол Хятадын агаарын тээврийн China Southern Airlines болон China Eastern Airlines компаниудын онгоцнууд энэ буудлаас хөөрч Байюнь, Пупуны олон улсын буудал руу нисчээ. Эдний дараагаар агаарын тээврийн Air China компанийн онгоц Чэнду рүү ниссэн байна. Нийт 80 тэрбум юань буюу 11.7 тэрбум ам.доллароор босгосон, Бээжингээс өмнө зүгт 45 км зайд орших энэ нисэх буудал жилдээ 100 сая орчим хүнд үйлчлэх олон улсын томоохон нисэх буудал болно. Төлөвлөснөөр эхлээд 45 сая, 2025 он гэхэд 72 сая, 2040 он гэхэд 100 сая зорчигчид үйлчлэх юм байна. Зургаан хошуут од хэлбэртэй энэ буудлын таван терминалд нийт 82 онгоц зогсох хаалгатай ч терминалын аль ч өнцгөөс найман минутад буудлын төвд очих боломжтой юм байна.